Zodin Multi Level Car Parking-cum-Utility Centre tlawh

Deputy Chief Minister, Tawnluia chuan nimin zing khan Zodin Multi-Level Car Parking-cum-Utility Centre, Aizawl sak mek chu a hmunah kalin a endik.
Zodin Multi-Level Car Parking-cum-Utility Centre sakna tur hian October ni 12, 2017 khan sanction hmuh a ni a, UD&PA Department chuan design competition te buatsaihin, ngun taka endik a nih hnuah JMT Architect te design thlan a ni a, Mizoram-a fully Automated Car Parking System with Utility Centre hmasa ber turin hma an la zui a ni. Heng bakah hian heng specialized work fire fighting system, Automatic Fire Alarm system, Internal Electrification, 13 Passengers lift, Structural Glazing, Glass & Stainless steel works te pawh awm tura ruahman a ni. He project sakna tur hian cheng nuai 2500 ruahman a ni a, motor 100 hun theih a sak tur niin a building hi Ground floor bakah chhawng riat (8) a sang tur niin Food Court, Exihibion leh Multi-purpose Hall te a awm bawk ang.
Nimin zing-a helai hmun a tlawhna ah hian Deputy Chief Minister chuan Aizawl khawpui chhungah parking indaihlohna avangin kan kawngpui leh khawpui te hi a tawt hle tih sawiin, heng harsatna te tih ziaawm nan leh sutkian anih theih nan Mizoram sawrkar chuan motor park-na hmun tur hmun remchang lai laiah siam nise tia ruahmanna siamin Zodin Cinema Hall awmna ram chu Sawrkarin leiin Multi Level Car Parking \ha tak siam tura hmalak a lo nik tak thu leh mipui tana \angkai tur zawka sawrkarin a ngaih avangin Car parking chauh siam lo hian a building ah hian Utility Centre dah tel tum a nih thu a sawi bawk.

Comments

Popular posts from this blog

PAN CARD an tih teh fo hi - Laldinpuia