Mizoram-ah ziak leh chhiar thiamlo 8.67% vel awm

School Education Minister, Lalchhandama Ralte chuan Mizo-ram-ah ziak leh chhiar thiam 91.33% kan awm laiin thiam lo 8.67% lai kan la awm tih sawiin, “Adult Education Wing, School Education Department chuan ziak leh chhiar thiam kan pun zel theih nan hma ala reng a ni,” a ti.
Nimin-a Aijal Club-a 'Literacy and Multilingualism' tih thupui a hmanga International Literacy Day, 2019 puala inkhawm a hmanpuina ah he thu hi sawiin Education Minister chuan kum 2015-a Departmental Survey, School Education Department in a neihna ah ziak leh chhiar thiamlo mi 43,341 kan awm thu leh hmalakna hrang hrang kalpui a nih hnua zirchianna neih leh anih chuan heng te a\ang hian ziak leh chhiar thiam mi 7000 vel kan neih belh leh a, mi 36700 vel ziak leh chhiar thiam lo la awm anga ngaih a ni, a ti.
Education Minister chuan ziak leh chhiar thiam pawimawhna te sawiin, khawtlang leh ram hmasawnna atana hmanraw pawimawh ber a nih thu a sawi a, ziak leh chhiar ngawr ngawr bakah tunlai khawvel changkanna in a ken tel Digital literacy thlenga inzirtirna neih a \ul thu a sawi bawk a. Ziak leh chhiar inzirtirna kawnga hmalakna chu School Department a thawktute hna chauh ani lova, hmasawnna tak tak nei tur chuan khawtlang leh Kohhran hruaitute leh Mizoram-a kan NGO hrang hrangte nena thawhhona \ha kan neih a hma kan lak tlan a ngai a ni tiin, “Kan state hmel a lo mawi zual zel nan Literacy rate a ram pum a pakhatna kan hauh theih nan \an ila tlang ang u,” a ti bawk.
International Literacy Day puala inkhawm hi School Education Department-a Commissioner & Secretary, Esther Lalruatkimi chuan kaihruaiin School Education Director, Lalzarmawii chuan Literacy Day chungchang a sawifiah a. Hemi hnu hian Census 2021 hmaa Literacy rate a hmasawnna nasa zawk a awm theih nana hmalakna, ‘Special Eradication of Illiteracy Project’ (SEIP) sawihona neih zui a ni bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia