Supply Minister in LPG Home delivery a tlangzarh

Supply Minister, K. Lalrinliana chuan nimin khan Mizofed Ltd. Showroom, Ramhlun North, Aizawl-ah LPG Home delivery tlangzarhna hun a hmang a, Consumer engemaw zatin LPG home delivery turin an inziaklut nghal a ni.

LPG Home delivery tlangzarhna hunah hian Supply Minister chuan mahni kawt kai ngei-a Gas bur inpek anih theihna tura hmalakna chu hun rei tak ata buaipui anih tawh thu sawiin, tunah chuan Gas lak nana mimalin sum leh pai, tha leh zung leh kan hun hlu tak kan hmanna \hin te kha LPG home delivery hian a chhawk hle dawn tih a sawi a. LPG Home delivery service hian kan \halaite tan eizawnna rintlak a siam belh phah ngei a beisei thu a sawi bawk. Minister chuan FCS&CA a thawktute bakah Mizofed Ltd, Mizoram Consumer Union, Aizawl College Veng Local Council hruaitute leh NGO hrang hrangten LPG Home delivery Service tih puitlin anih theih nana an hmalakna ah te lawmthu a sawi bawk.

LPG Home Delivery hi Aizawl College Veng-a In (household) 89-ah enchhinna hmasa kalpui tur a ni a, Interactive Voice Response System (IVRS) number 9089024365-ah call tur niin Agency phone number leh anmahni Consumer Number te dik taka chhutluh leh tur a ni a. Inziahluh a\anga ni 4 hmain Gas hi dawng thei tura ngaih a ni a, Customer number ngai hi ni 21 chhung hman nawn theih ani lo bawk a ni. Tuna enchhinna atan hian delivery man hi Gas bur pakhat zelah cheng 90 a ni ang a, delivery boy 3 an awm mek bawk a ni.