Serchhip District-ah mipuite himna atan 'Special Drive for Public Safety' kalpui a ni dawn

Serchhip District Superintendent of Police, Karthik Kashyap IPS chuan nimin khan Serchhip tualchhung thuthar thehdarhtute kawmin mipuite himna turin 'Special Drive for Public Safety' an kalpui dawn tih a sawi a. Hemi atan hian mipuite thawhpuina an mamawh thu a sawi bawk.

Nimin chhun-a a Office Chamber-a MJA Serchhip Member te a kawmna hunah Serchhip SP, Karthik Kashyap chuan Serchhip-ah Police te leh mipui ten thawhhona \ha tak an nei \hin chu lawmawm a tih thu sawiin, Serchhip District Executive Force te chuan mipuite kawng hrang hrang an himna turin theihtawp chhuahin hma an la zel dawn tih a sawi a. Mipuite himna tura hma an lakna kalmek ah hian 'Special Drive for Public Safety' tih hming vuahin hma an lak tur thu sawiin, mipuite chu dan zawm kawngah ven ngai lova dan zawm tura an ngen thu a sawi. Serchhip SP chuan tunlai hian ruihhlo, a bik takin No. 4 (Heroin) hmansualna a hluar hle tih sawiin, Police ten theihtawp an chhuah chung leh Tlawmngai Pawl ten \hahnemngai taka an bei chungin a hluar zual zel nia hriat a nih thu sawiin, kan \halaite run mektu heng damdawi \halo zuarte manchhuah an nih a, Dan anga an chunga hremna lekkawh anih ngei theihna tura an thu hriat te thuneitute hnena hriattir \hin turin mipuite chu an ngen bawk.
Serchhip SP chuan lirthei chetsualna avangin mi tam tak nunna chan leh ramtuileilo an awm tawh thu sawiin, rui chunga lirthei khalh chu mipuite tan a himloh avang leh Dan bawhchhiatna a nih avangin khauh taka Dan kenkawh an tum thu leh tunah hian khualzin phur lirthei te chu enfiah an nih fo thu a sawi a. Hei bakah hian mihring phur chi lirthei dang khalhtute pawh enfiah zui zel an tum thu a sawi bawk. Lirthei ke 2 nei khalh zingah Helmet khum lova khalh an awm fo thu pawh SP chuan sawiin, Helmet chu Police man dal-a khum tur ni lovin Two Wheeler khalhtute himna tura khum zawk tur a nih thu a sawi a, hemi kawngah pawh hian nasa zawka Dan kenkawh an tum thu a sawi a. Driving License neilo-a lirthei, a bik takin ke hnih nei khalh an awm \hin tih an hriat thu pawh sawiin, hei hi a khalhtute mai bakah mipuite tana himlo a nih avangin inngaih-hnathiamna awm lova hmalak an tum thu leh an nu leh pa, lirthei lo khalhtirtu thlenga hrem theih an nih thu a sawi a. Hemi tireh tur hian Zirna In, a bik takin College leh High School Level-ah Traffic Awareness Campaign pawh ngawrh zawka neih tum a nih thu a sawi bawk.
He hunah hian Serchhip District Addl. SP, PC. Lal\anpuia pawhin Serchhip chu Mizo-ram laili-a awm a nih angin an sawi fo \hin anga an vanneih thu leh mipuite pawhin thu awihin, Police te pawhin Dan hnuaiah mipuite chu him taka awm tura an duh thu a sawi a. Tunhnaiah Pathianni tlai-ah te khawpui chhung hmun hrang hrangah Special Drive hi neih a nih tawh thu leh nasa zawka hmalak zel chu \ha an tih thu a sawi a. Pawikhawihna chu khawi hmunah pawh, engtik hunah pawh thleng thei a nih thu sawiin, hetiang hunah hian mipuite nen thawhhona \ha neia, khawtlang mipuite pawhin mipuite himna atana thawktu an ni thei tih inhre reng se an duh thu an sawi bawk.
He hunah hian Serchhip khawpui tana hmalakna tur pawimawh nia an hriat hrang hrang sawiho a ni a, heng zingah hian Traffic Rules kenkawh chungchangah khauh lehzuala hmalak \ul an tih thu te, khawpui chhung hmun laili-ah CCTV Camera dah \ul an tih thu te, Bazar leh a chhehvel-a pawisa khelhna siam \hin chu enfiah a \ul thu te, Bazar-a Beat Post building nghet nei tura hmalak \ul an tih thu leh lirthei hunna chungchangah hmalakna tura pawimawh nia an hriat te an sawiho bawk a ni.
He hunah hian Serchhip SP hi Addl. SP PC. Lal\anpuia bakah DSP (Hqrs.) Ram-fangzauva; Serchhip SDPO Victor Zothansanga; Serchhip Police Station OC, VL. Ramhluna leh Police Officer dang ten an \awiawm a ni.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia