Award dawngtu hmuak

Faina kawnga a thawhhlawk avanga Central Ministry of Jal Shakti Drinking Water & Sanitation Department hnuaia National Award dawngtu, Laltharzeli chu Mamit-ah ropui taka lo hmuah a ni.

Laltharzeli hian niminpiah tlai khan Mamit khua hi lutin Award dawn lawmna hun chu Mamit Bazar-ah DC, Dr. Lalrozama hovin neih a ni a, Bawrhsap chuan faina kawnga hetiang taka hmalatu Laltharzeli chawimawina dawn chu ropui a tih thu sawiin, chu aia ropui leh zawk chu chawimawina a awm a ni tih pawh hre lova, Mamit District an lo fai lehzual nana a ngaih-tuahna sen leh tha a thawhna chu chawimawi leh fak phu a nih thu a sawi bawk.

He hunah hian Award dawngtu Lalthar-zeli chuan Award ropui tak dawng tura sulsut-puitu Sawrkar Department hrang hrang, tlawmngai pawl zawng zawngte chungah lawmthu a sawi a, Faina kawnga hma a lakna kawngah lawmman emaw, chawimawina emaw a awm dawn tih hresa a nih loh thu sawiin, naupang rilru thianghlim, inchhunga mawhphurhna thuk tak la neilote hun awl hmang \angkaia faina kawnga hmalakpui chu a rilru ber a nih thu leh an hun kal lehzel tura an thinlunga fai tura inzirna mai piahlamah khawtlang engtik lai pawha an fai theih nana naupang zawk te hman \angkai chu a tum a nih thu a sawi a. Faina Hapta an lo hman tawh \hin thu leh a hapta chhung maia nasa taka hmalak chu tawk zo mai lova a hriat vanga Children Sanitation Club kaltlanga hmalakna kalpui ta a nih thu a sawi bawk.

Laltharzeli hian faina kawnga a thawh-hlawk avangin rampum huap chawimawina hi a dawng a, he Award dawng thei tur hian mahni inpe-in Mamit District chhung thingtlang leh khawpuiah Children Sanitation Club 85 a din tawh a, Mamit Bazar Veng bikah Children Sanitation Club hi kum 3 chhung lokal pui tawhin kartin vawi 2 hnatlang a neihpui \hin a ni.