MHTC sum chhui mek a ni

Higher & Technical Education Department changtu Minister, Dr. R. Lalthangliana chuan Mizo-ram Hindi Training College in sum hmuh leh hman danah thil fello a awm em tih chu sawrkarin Preliminary Enquiry la in an chhui mek tih a sawi.

Nimin-a Assembly Budget Session-ah Dr. Vanlal-thlana zawhna chhanga he thu hi sawiin H&TE Department changtu Minister, Dr. R. Lalthang-liana chuan Mizoram Hindi Training College te chuan General Financial Rules angin account an kawl thu a sawi a. Mizoram Hindi Training College Principal chuan Agra-a Enrichment Course kalna tur sum a lo pawh pen leh pen loh chung-chang chu sawrkarin Preliminary Enquiry laiin an chhui mek thu sawiin, Mizoram Hindi Training College in sum hmuh leh hman danah thil fello a awm em tih chu sawrkarin Preliminary Enquiry la in an chhui mek tih a sawi a ni.

Mizoram Hindi Training College Principal in Master Degree, Global Open University a\anga kum khat leh a chanve chauha a dawn theih dan chu Mizoram Hindi Training College a harsatna awm mek chungchanga Preliminary Enquiry neih laiin sawilan tel a nih loh avangin chhui chian a nih loh thu a sawi bawk.

Dr. Vanlal\anpuia zawhna dang chhangin H&TE Department Minister chuan, Mizoram Engineering College, Pukpui Arsi ram a mi chu Class \an theih hun tur tak sawi chian theih a la ni lo, a ti a. Tun dinhmunah Class \an turin sawrkar ala in buatsaih fello, a ti bawk. Ministry of Human Resource Development lama RUSA thuneitute duh dan chuan RUSA hnuaia New College sak zawng zawngte chu kum 2019-2020 Academic Session a\anga Class \an tur ni mahse Class \an hmaa tihfel hmasak ngai- Approach Road siam \hat, Electric Connection leh Transformer dah te leh Tui Connection te bakah thawktu lak te pawh tihfel ngai ala nih thu a sawi a, Building mamawh zualpui pariat (8) chu RUSA sum a\anga sak zawh tawh nimahse, Class \an theih ala ni lo, a ti.