Mizoram-ah valid ILP nei hnamdang 21,757 awm; Ngawrh zawka ILP endik hna thawh tum a ni

Home Minister Lalchamliana chuan tun dinhmunah Mizoram-ah Valid ILP nei hnamdang 21,757 an awm mek tih sawiin, uluk leh ngawrh zawka ILP endik hna thawk turin ruahmanna kalpui mek a nih thu a sawi a. Sum harsatna avangin Police Out-Post duh anga hawn mai theih a nih loh thu a sawi bawk.

Nimin a Assembly session zawhna leh chhanna huna Serchhip bialtu MLA, Lalduhoma zawhna leh zawhbelhna dangte chhanga he thu hi sawiin Home Minister chuan, tun dinhmuna valid ILP nei hnamdang mi 21,757 an awm mek bakah, valid 2 years ILP for GST nei hnamdang mi 135 hnenah May 2017-May 2019 chhungin Home Department kaltlangin concerned DC ten an pe chhuak tih a sawi a, sawrkarin kumin 2019 January - May chhungin ILP nei lo mi 1,893 man a a thawnlet thawh thu leh tunah hian ILP neilo hnamdang Mizorama an awm hriat a nih loh thu a sawi a. "ILP pek dan computerize tura hmalak mek a ni," a ti bawk.
Home Minister chuan fimkhur lehzuala ILP endik a nih theihna turin Awareness neih tum mek a nih thu sawiin, “Permit nei engemawzat an awm laiin ILP nei mumal lo \hahnemtak an awm bawk a, hemi ah hian ILP sponsored tu ten an mawhphurhna an hre \hin lo niin alang,” tiin, NGO te nen pawh sawiho tawhin Periodical Checking nei \hin tura ruahmanna an sawiho tawh thu a sawi a, tunhnai inthlan vangin Mizoram Police Company 16 lai state pawnah an chhuah vangin indaihlohna a nasa a, tunah chuan heng company 16 te hi an lolet vek tawh a, indaihlohna zualpui pawh a ziaawm tawh vangin ILP endik hna pawh ngawrh leh zuala kalpui an tum tur thu a sawi bawk.
Zawhna neitu Serchhip bialtu MLA chuan ILP pek dan chu computerized a nih loh chuan ILP hmangin hnamdangte kan inchim tir reng dawn a ni tih sawiin, a rang thei ang bera ILP pek dan computerized a \ul thu a sawi a. Home Minister chuan official lamin hma an la \ha ni a a hriat thu a sawi a, tunhnai a temporary ILP pek chhuahna hmun pahnih Bairabi leh Vairengte a tlawhah te phei chuan anlo computerized vek tawh niin a sawi bawk.
Home Minister, Lalchamliana chuan Home Department hnuaia zawhna dang te chhangin tun dinhmunah Rajivnazar-ah Police Outpost dah theih a nih rih loh thu leh Vairengte Sub-Jail chu function tir turin ruahmanna a awm rih loh thu a sawi bawk a. Reiek BDO area chhungah Police Out-Post dah tum mek a nih thu leh North Kanghmun khuaah Police Out-Post hi dah tura hmalak mek a nih thu pawh sawiin, hmun hrang hrang a\angin Police Out-Post dilna a awm mek tih a sawi a, sawrkar hmasa pawh khan Police Out-Post 9 din turin ruahmanna alo siam tawh a, amaherawhchu sum harsatna vangin Police Out-Post hi duh angin hawn mai theih a ni \hin lo niin Home Minister, Lalchamliana chuan a sawi bawk.

Comments

Popular posts from this blog

PAN CARD an tih teh fo hi - Laldinpuia