Latest News

Thenzawl-ah hri danna pe tan; ni 2 chhungin mi 306 te hri danna pe tawh

Serchhip District-a COVID-19 Vaccine pek mekah nimin khan Thenzawl CHC-ah hri danna hi pek tan ve leh a ni a, he hun hi Thenzawl SDO (C), Kulothungan A, IAS chuan hmanpuiin sawrkar ruahman anga Vaccine lak runpui India ramah kalpui a ni leh Thenzawl-ah pawh kalpui theih a ni chu lawmawm a tih thu sawiin, Vaccine chuan mipui himna a thlen ngei a beisei thu a sawi.

Champhai to Tahan Bus service tir tum mek

Transport Minister TJ. Lalnuntluanga chuan, Champhai leh Tahan inkar bakah Zohnahthlak te awmna hmundang ah pawh Bus service tir tum a nih thu a sawi.
Nimin  Assembly Budget Session zawhna leh chhanna hunah VL. Zaithanzama zawhna chhangin Transport Minister, TJ. Lalnuntluanga chuan Champhai to Tahan Bus Service tir tumna a awm mek thu a sawi a, hemi atan hian Ministry of External Affairs pawh dawr tawh a nih thu leh anni hian Myanmar nena Bus intlantawn theihna tura hmalak an lo intiam thu a sawi. Member te zawhbelhna chhangin Champhai to Tahan bakah hian Zohnahthlak te awmna Tripura leh Manipur lamah pawh MST bus tlan tir tum a nih thu sawiin, Aizawl - Shillong ah pawh Bus changkang zawk tlan tir tum a nih thu a sawi a. Heng hmun hla tak taka service tur hian driver te pawh buatsaih tum a nih thu a sawi bawk.
Transport Minister chuan Sairang Rel Station-ah Excise & Narcotics Department chuan Check Gate siamna tur ram a zawn mek thu sawiin, ram ala hmuh loh thu a sawi a, Taxation, Custom leh ILP (Home) atan tun dinhmunah Check Gate siam turin hmalakna ala awmloh thu a sawi bawk.

Comments

Chhiar Hlawhte