Mizoram chhim tawp a Burma ram a\anga Rohingya raltlan rawn lutte chu tunah hian enfiah mek an ni a, hetihlai hian central sawrkar chuan tharum hmang pawh a nawrlet turin Mizoram a rawn hriattir.
Nimin Assembly Budget Session ni li na, zawhna leh chhanna huna Aizawl North-III bialtu MLA, Dr. Vanlalthlana zawh belhna, ‘Tun dinhmun-ah Mizoram-ah Tourist nilo, Foreigner an awm em?’ tih leh ‘Engzatnge awm?’ tih a chhanna ah he thu hi sawiin Home Minister, Lalchamliana chuan, Lawngtlai District chhung Mizoram chhim tawp-a Burma a\anga raltlan rawn lut Rohingya te tih loh chu foreigner Mizoram-ah an awm hriat a nih loh thu a sawi a, heng Rohingya raltlang te hi Assam Rifle Report-ah mi 238 a nih laiin DC Report-ah 228 emaw vel an nih thu a sawi a, an report hi a inmil loh vangin enfiah mek a nih thu a sawi. Home Minister Lalchamliana chuan Central sawrkar thupek angin Mizoram sawrkar chuan Rohingya raltlante hi identification a tih mek thu leh central sawrkar chuan heng Rohingya raltlante hi tharum pawh a nawrlet tura Mizoram sawrkar thu a rawn pek thu House a hrilh bawk.
Comments
Post a Comment