MSU in MSSSB kaldan uluk taka en an tum thu an sawi

Mizo Students Union (MSU) General Hqrs. Aizawl chuan MSSSB kaldan chu uluk taka an thlir dawn thu an sawi.
Nimin a thuchhuah an siamah MSU General Hqrs. chuan June ni 10-a Mizoram sawrkar Cabinet Meeting in Mizo-ram Subordinate Service Selection Board (MSSSB) din a nih theihna tura thu a pass chu ngun taka an ngaihtuah hnuah Mizoram sawrkar in Mizoram Public Service Commission (MPSC) in hnalak chungchanga harsatna a tawh \hin te sutkian a tum ni a alan avangin lawmawm an tih thu an sawi a. Chutih rual chuan hna lak chungchanga harsatna kan neih sukiang tura sawrkar in MPSC tihlen harsa a tih \hin viau lai a, mipui sum tam zawk seng tura Mizoram Subordinate Service Selection Board (MSSSB) din kher \ul a ti chu a lo thlawna mipui sum khawhralna turah an ngaih thu leh \halo an tih thu an tarlang bawk.
MSU General Hqrs. chuan he Board thar lo piang tur hi uluk takin an vil reng dawn tih sawiin, Central-a UPSC leh SSC in felfai taka hnalak an kalpui anga MPSC leh MSSSB hian felfai leh chak zawka hnalak an kalpui ngei theih nan thuneitute pawhin ruahmanna an siam an phut thu an sawi a. Party induhsakna leh hleihluak taka duhsak zawngte hna inpekna mai a nih chuan MSU in nasa takin a dodal dawn tih an thuchhuah ah chuan an tarlang bawk.

Comments

Popular posts from this blog

PAN CARD an tih teh fo hi - Laldinpuia