High Powered Committee Lunglei Member thar te lawmluhna CM hovin neih a ni

High Powered Committee (HPC), Lunglei member thar te lawmluhna hun chu nimin khan Chief Minister,Zoramthanga hovin Lunglei Convention Centre-ah neih a ni a, Chief Minister chuan HPC Lunglei term thar chuan Lunglei District huamchhunga hmasawnna nasa tak a thlen a beisei thu a sawi.

HPC Lunglei Member thar te lawmluhna hunah hian Chief Minister chuan HPC term thar-ah chuan mipuiah ham\hatna tak tak a thlen theih nan leh mipui thawhchhuah a lo pun belhchhah nan hmalak a nih tur thu sawiin, Chhimlam chu Mizoram kawtchhuah pawimawh tak pakhat a nih thu leh rampawn, Myanmar leh Bangladesh a\anga buangrua lo luhna tur kawngkapui a nih dawn avangin a la pawimawh zual zel tur thu a sawi a. Kaladan Multi Modal Project kalpui mekah hna thawh hmabak la awm mekte rang thei ang bera chhunzawm a nih theih nan hmalak tum a nih thu a sawi bawk.

Chief Minister chuan ram hmasawnna ngaihtuahtute chuan ramin neih a neih (asset) thlir hmasa in, chumi a\ang chuan hmalak dawn tur ruahman \hin a nih thu sawiin, chutiang chuan Mizoram tan pawh asset enge kan neih kan chhut hmasak chuan ram zau tawk tak, ruahtui \ha tak, sik leh sa nuam tak, lui \hahnem tak, buhfai hectare 70,000 chuang thar theihna hmun remchang, a chhunga chengte \awngkhat hmanga inbe thei, sakhaw khat vuan deuh vek a nihna te, lehkhathiam tamna ber state zing a mi leh zilh nuam em em Hnam a nihna te hi Mizoram asset, hman \angkai theih turte a nih thu a sawi a. Heng a\ang hian hmasawn a hausak phah zel tur chuan a chhunga chengten chona ah la thiam in, sawrkarin ruahmanna a siam \awi-awmin hma an lak a tul thu a sawi bawk.

He hunah hian Khual Zahawm HPC Vice Chairman, Lawmawma Tochhawng MLA chuan HPC Lunglei hnuaia hmalakna lo awm tawh \hin leh kalpui zel dan tur tlangpui sawiin, Sawrkar in a khua leh tuite hnenah thawh tur buatsaihin ruahmanna a siamsak chu a tih tur a nih thu leh chutiang ang chuan HPC pawh hi kalpui tur a nih thu a sawi bawk.

HPC Lunglei-ah hian Lawmawma Tochhawng MLA chu Vice Chairman thar a ni a, Member atan C. Thanseia, C. Lalchhuana, F. Lalsawmkima, F. Lalzarmawia, K. Lalhnema, Lalchhandama,  Robert Hmingthansanga, H. Lalthansanga leh Lalrotluanga te ruat an ni.