Latest News

Cencus neih dan tur sawiho

Nimin khan Serchhip-ah District Level Co-ordination Committee on 7th Economic Census chu an Chairman Serchhip DC, Sangchhin Chinzah hova \hukhawmin tun thla a\anga \ana thla thum chhung awh tur 7th Economic Census neih tur an thlirlawk.
Nimin a Serchhip DC Office Chamber-a Serchhip District Level Co-ordination Committee on 7th Economic Census \hutkhawm ah hian Bawrhsap chuan Economic Census hian sawrkar laipui Welfare Scheme hrang hrang dawng thei turte a nghawng theih avangin Enumerators ten dik leh rintlak taka Census data an lakkhawm a \ul thu a sawi a. Cencus-ah hian Hmaih neih a thiang lova, data diklo dahluh pawh a \ha tih tih sawiin, hei vang hian Enumerator te an fimkhurin an rintlak hle tur a ni, a ti a. Census fel fai tak a awm ngei theih nan thawktute bakah khawtlang hruai-tute leh chhungkaw tinte thawhpuina a ngen bawk.
He Meeting-ah hian Census atana inbuat-saihna te thlirho a ni a, kuminah hian a tihdan thar a kalpui tur a nih avangin Central lam a\angin inbuatsaihna pawh a rawn muang deuh tih tarlan niin kumin Economic Census hi Common Service Centre (CSC) kaltlanga neih tur a ni a, CSC ten Enumerator an nei anga, heng Enumerators te hian Data te chu Mobile Phone hmangin an lakkhawm anga, chu chu CSC ten online vekin an lo lalut ang a, chutiang zelin thuneitu sang zawkah an thehlut leh dawn a ni.
He Census-ah hian In (house) zawng zawng Geo-Tag vek tur a ni dawn a. Heng atana hmalakna pawimawh hrang hrangte hi sawiho niin hmabak la tih tur awmte umzui dan tur leh mawhphurtu turte ruat fel nghal an ni bawk.

Comments

Popular News (Last 30 Days)