Mihring hmanga sumdawnna ah Police ten man

Hnamdang hmeichhe tleirawl 8, Myanmar lama thawn chhoh tur leh Myanmar-a lo la chhawngtu turte chu niminpiah tlai khan Dungtlang Police te’n Saikhumphai-ah manin Champhai panpui an nih laiin an tlanchhuak.
Dungtlang Police te’n an thudawn bawhzuiin H. Lalzawmmawia, Leithum khua Maxi Cab hmanga hnamdang hmeichhe tleirawl 8, Aizawl a\anga Myanmar lama pechhawng tura an thawn chu Khawbung Sasaw chhak ah nizan hmasa khan man niin Myanmar a\anga lo la chhawngtu tur, Jonathan (23), Khawthlir Myanmar leh Nguntindawnga (25), Tahan Myanmar nia insawite chu an man nghal a. Nguntindawnga chuan heng hmeichhia te hi Singapore, Malaysia leh Indonesia-a hruai tur an nih thu leh Zokhawthar Gate-ah Mizote anga hnamdang tan permit lak a theih loh avangin Saikhum kai lama inhlanchhawng tura an inbiak thu a sawi a. Mi pakhat ah Rs. 2500/- zel a hlawh tur thu a sawi bawk.
Hetihlai hian Jonathan chuan a Zu dah tur remchanga hmangin Sumo hire-na Rs. 30,000/- pe tura an tih thu leh Rs. 500 hlawh tura an tirh thu a sawi thung a. Nizan hmasa khan Champhai lam panpui an nih laiin Khuangleng khaw bulah an kutkawl (handcuff) nen an tlanchhuak a, he thu buatsaih lai thleng hian zawn mek an la ni.

Comments

Popular posts from this blog

PAN CARD an tih teh fo hi - Laldinpuia