MCAB Gen Assembly Chief Minister in a hmanpui

Mizoram Cooperative Apex Bank Ltd. Annual General Assembly vawi 26-na chu nimin khan Vanapa Hall-ah neih a ni a, Chief Minister Zoramthanga chuan khuallian niin a hmanpui.

Mizoram Cooperative Apex Bank Ltd. Annual General Assembly-ah hian Chief Minister chuan ramin hma a sawn zelnaah Bank pawimawhna a nasat tial tial thu sawiin, kuthnathawktuten buh leh bal a\anga an thawhchhuah te, sawrkar hnathawk te thawhchhuah te, contract leh supply a\anga thawhchhuah zawng zawng belhkhawm, ram sum dehchhuah tehna chu pawisa a ni a, chu pawisa chu Bank ah dah a nih loh chuan tunlai khawvel ah hian a kal theihloh a ni, a ti.

MCAB General Assembly hi an Chairman, T. Lalmuanpuii chuan kaihruaiin Lalzuah-liana, Chief Executive Officer hnen a\angin report ngaihthlak a ni a. MCAB Ltd. hi July ni 31, 1982 khan hawn a ni a, Bank inrelbawlna hi Board of Directors kuta awm a ni a. Tun dinhmunah Mizoram pumah Branch 18 a nei a, Branch bakah hian Mizo \awng hman theihna ATM 14 a awm bawk. MCAB Ltd. chuan Shareholder Society te dinhmun chawikan nan National Minority Development & Finance Corporation (NMDFC) a\angin loan cheng vbc. 9.24 a sanction tawh a ni.