LC/VC term tihtawi tumna a awm lo

/
Local Council leh Village Council (VC) te term kum 3 a tihtawi tumna sawrkarin a neilo a, VC thuneihna tihpun tumna pawh Mizoram sawrkar in a neilo.
Assembly Session neih mek-a VL. Zaithanzama zawhna LAD Minister, K. Lalrinliana'n ziaka a chhanna ah he thu hi tarlan a ni a, tun dinhmun ah VC te hlawh chu thla khat-ah VCP in Rs. 1000, Vice President in Rs. 800, Treasurer in Rs. 600, Member in Rs. 600, Secretary in Rs. 600 leh Tlangau in Rs. 450 a nih thu leh VC te thuneihna chin chu ramri fel taka sawi a harsat thu tarlangin, engemaw zat chu The Lushai Hills District (Village Councils) Act, 1953 ah ziaka dah a nih thu leh heng bakah hian ran khuahkhirh te, lo ram \heh te, ramkang venna leh thubuai tenau te chu an mawhphurhna langsar zual a ni tih a tarlang bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »