Kawngpui siam \hatna tur Road Roller tlachham mahse kawngpui siam\hat hna thawh a ni - CM

PWD changtu Chief Minister ni bawk, Zoramthanga chuan kawngpui siam\hat hna an thawhna ah Road roller an tlachham tih House hrilhin, heti chung hian an theih ang anga kawngpui siam\hat hna hmun hrang hranga an thawh thu a sawi.

Nimin a Assembly Budget Session zawhna leh chhanna huna East Tuipui bialtu MLA, Ramthanmawia zawhna kal zelah he thu hi sawiin, PWD changtu Zoramthanga chuan, kawng thar siam a ni emaw, kawng awmsa siam\hat ah emaw pawh nise an theih ang angin kawngpui siam hna an thawk tih a sawi a, hetihlai hian kawngpui siam \hatna tur Road roller an tla chham tih sawiin, hei hian an duh angin an chet lak a ti muang tih a sawi a, Road roller 20 lei an tum chu MP inthlan Election Model Code of Conduct in a nang ching hman tih a sawi a, chuti chung chuan an theih ang anga kawng siam \hatna kawngah hma an la tih a sawi a. “A hnapui thawhna tur Central sawrkar-ah kan umzui chho zel ang,” a ti bawk.

Zawhna neitu East Tuipui bialtu MLA zawhna chhangin PWD Minister chuan, East Tuipui bial-ah PMGSY-I upgradation scheme ah hmalak tumna a awm tih sawiin, Dungtlang - Vaphai-Farkawn leh Samthang - Farkawn via Lamsial ah te hmalak tum a nih thu a sawi.

Member te zawhbelhna chhangin PWD Minister, Zoramthanga chuan PMGSY hnuaia Mizoram hmun hrang hranga hnathawh mek te chu chak zawka thawh a nih theihna turin hnathawktu company te an nawr tur thu sawi bawkin, hna thawk \halo Contractor te chu an hna cancel sak te pawh a ngaih tur thu a sawi a. Hetihlai hian hna cancel hian harsatna nasa zawk a thlen theih vangin Department in uluk zawka hmalakna an kalpui tur thu leh Contractor te harsatna pawh anlo enfiah tur thu a sawi.

Dampa bialtu MLA, Lalrintluanga Sailo zawhna chhang bawkin PWD changtu, Chief Minister ni bawk Zoramthanga chuan, Dampa MLA bial huamchhungah PMGSY Scheme a\angin hmalakna thar sawrkarin a nei dawn tih a sawi a, heng hmun, Aizawl - Reiek, Rawpuichhip - S. Sabual, W. Phaileng - Dampui via Lenhmuikawn, W. Phaileng - Dapchhuah leh W. Phaileng - Khawihnai-ah te hmalak a nih tur thu a sawi bawk.