Serchhip District-a awm duh

Lunglei District chhunga awm Kanghmun South leh Zote South khua te chuan Serchhip District-a awm an duh thu sawiin, a \ul anga hmalak an tum bawk.
Zote South khuaa VC, YMA, MHIP leh MUP aiawhte chuan tunkar Thawhlehni zan khan YMA Run-ah Joint Meeting neiin sawrkar in Hnahthial District-a dah lova, Serchhip District-a dah ngei tura an ngen thu resolution siamin an pass a. Chief Minister hnena an lo thlen tawh angin District thar lo piang tur, Hnahthial District Capital chu an khua a\anga a hlat em avangte, Hnahthial kal tura Serchhip District Capital bakah Serchhip District chhunga khaw pahnih kaltlang zel a ngaih thu leh Lunglei District huamchhung khaw pathum kaltlang zel a ngaih thu te tarlangin, hetiang a nih avang hian Hnahthial District-a awm chu an tan kawng tinrengah a harsatna thlentu ni dawna an hriat thu an tarlang a. Serchhip District Capital hi an tan a hnaiin Zote 'S' a\angin KM 40 chauh a ni a, lehlang pawha kal phak a nih avangin Serchhip District-a an awm ngei chu an duhdan a nih thu an tarlang a ni.
Hemi hmalam tunkar Thawh\anni zan khan Kanghmun South khuaa VC, YMA, MUP, MHIP, Political Party hrang hrang leh Kohhran hrang hrang aiawhte chuan Kanghmun Community Hall-ah Joint Meeting neiin Serchhip District a beh an duh thu resolution siamin an pass a. Mizoram sawrkarin District thar a siam chu lawmawm an tih thu sawiin, Serchhip District-a awm chu khawtlang mipui, pawl hrang hrang leh Kohhran te duhdan a ni tih an sawi a, a \ul anga bawhzuia hma la zui turin Joint Action Committee pawh din nghalin, Chief Minister leh sawrkar mi pawimawhte hnenah an ngenna hi thlen a, sawipui nghal ni se an ti a ni. Kanghmun South khua hi Thenzawl a\anga KM 15-a hla niin sawrkar leh pawl hrang hrang inenkawlna tam takah Ser-chhip District leh Thenzawl hnuaia awm an ni.

Comments

Popular posts from this blog

PAN CARD an tih teh fo hi - Laldinpuia