MSCU General Assembly nei

Mizoram State Cooperative Union (MSCU) chuan nimin khan Synod Conference Centre, Aizawl-ah General Assembly vawi 32-na hmangin Addl. Registrar, Cooperative Societies, Lalrinsanga chuan khuallian niin a hmanpui.

Mizoram State Cooperative Union (MSCU) General Assembly-ah hian khuallian chuan Sakhuana tihloh ah chuan Cooperative Movement chu khawvela Movement upa ber a nih thu a sawi a, Mizoram-ah pawh kum 1949-ah Cooperative Society kan hmelhriat \an thu leh kum 70 hnuah hian hmasawnna tur tam tak kan la neih thu a sawi a. Khawvel ram hrang hrang leh India ram hmun hrang hrangah Cooperative Movement a chak \hain Cooperative Societies te pawh an hausa hlawm em em a, Mizoram-ah pawh hetiang hi kan tlin ve thei a ni tih sawiin, Cooperative Society te tihchak lehzual na tura \an lak a pawimawhn thu a sawi bawk.

Mizoram State Cooperative Union (MSCU) hi March ni 29, 1975 khan din niin Assam State hnuaia Aizawl District Assistant Registrar of Cooperative Societies (ARCS) enkawlna hnuaiah din a ni. MSCU-ah hian thawk nghet 23 bakah Muster Roll 3 leh Contract basis-a thawk 3 an awm a. MSCU hnathawh kaihruai turin Cooperation Department a\angin Assistant Registrar of Cooperative Societies (ARCS) chuan Chief Executive Officer, MSCU hna a chelh a ni.

Mizoram State Cooperative Union hnathawh dan kalphung duanga kaihruai turin Board of Directors an awm a, hemi hnuaiah hian Committee peng pahnih- Executive Committee leh Staff Selection Committee an awm leh a ni. MSCU hi Cooperative Society hnena zirtirna petu a nih angin kum 2018-2019 chhung khan training hrang hrang a buatsaih \hin a. Tunah hian Bara Bazar, Aizawl-ah MSCU Office building sak mek a ni bawk.