Serchhip-ah Sangha khawi dan leh Sangha khawi turte tana Bank Loan lak theih dan zirho a ni

District Fisheries Development Officer (DFDO) Office, Serchhip buatsaihin nimin khan Serchhip-ah Sangha khawi dan chungchang leh Bank kaltlanga Sangha khawitute tana \anpuina awm thei te zirho a ni.

Serchhip Hmar Veng YMA Hall-a Sangha khawi dan zirhona hun hi Serchhip DFDO, Zonuntluangi chuan kaihruaiin kum 2011-a Serchhip-a Fisheries Department Office hawn a nih a\angin Sangha khawihna kawngah Serchhip District in hmasawnna tam tak a hmuh thu sawiin, Sangha khawitute thawhrimna avangin Sangha khawi lamah kan \han nasat thu leh Sangha khawitute tana sawrkar in Scheme a siam tam tak te pawh tih hlawhtlin a nih thu sawiin, hun lo kal zel turah pawh thawhhona \ha tak an neih zel a beisei thu a sawi a. Serchhip District chu Mizoram-a District hrang hrang zingah District taima ber nia a hriat thu a sawi bawk.

Nimin a Sangha khawi dan zirhona hunah hian State Bank of India (SBI) Serchhip Branch Manager, Lorna T. Gangte chuan Bank kaltlanga Sangha khawitute tana ham\hatna awm thei te sawiin, SBI chuan Sangha khawitute hnenah hian Loan a pekchhuah theih thu leh hei hi mipui ten an hriat tawk loh avangin Loan pekchhuah pawh an la awm ngai meuhloh thu a sawi a. Heng te hi mi rinawm te tan \angkai taka hman theih a nih thu a sawi bawk. Ani bakah hian DFDO Office-a AFO, Kaptluanga chuan Sangha Dil siam dan leh Leilet-a Buh ching chunga Sangha khawi turte tana hriattur pawimawh hrang hrang a zirtir a, Lalropara Khiangte, AFO chuan Sangha inthlah-chhawn nana Sangha tui tir dan leh Nursery siam dan te a zirtir bawk.

Serchhip District-ah hian Sangha Dil hi 1378 a awm anga chhinchhiah mek a ni a, heng Sangha Dil zau zawng hi Hactare 395.69 niin kumtin Sangha Dil siam hi an awm belh zel a ni.

He hunah hian kum 2019-2021 chhunga Serchhip District Fish Farmers Association hruaitu tur thlanna neih nghal niin President-ah Hmangaihthanga, Zozam Veng, Vice President-ah R. Vanlaldula, Vengchung, Secretary-ah HL. Muanthanga, AOC Veng, Asst. Secretary-ah V. Laldingliana, Bazar Veng, Treasurer-ah LR. Bawlliana, Bazar Veng leh Fin. Secretary-ah Lalramliana Kawlni, Dinthar Veng te thlan an ni.