Lirthei Chhiah lak dan thar hmang thei dawn hnai ta

Mizoram sawrkar chuan lirthei a\anga Chhiah lak dan thar tur, The Mizo-ram Motor Vehicles (Taxation) Act, 2019 (Act No. 13 of 2019) chu hman theih tura pawm tawhin Mizoram Gazette-ah tihchhuah a ni tawh a, karleh lam a\ang hian hman \an theih beisei a ni.

He Chhiah lak dan thar chungchanga Transport Department hotute sawi danin lirthei chhiah lak dan thar atana hman tur software chu tlema fel lohna a awm avangin Delhi lamah thawn thlak leh  a ni a, karleh lam a\ang chuan rawn thlen lehin hman theihin a awm tawh beisei a ni.

He lirthei chhiah lak dan turah hian lirthei neitute chuan lirthei thar ah chhiah hi kum 15 atan pek tur a ni a, hei hi \umkhata pek tlak theih a nih bakah \um hnih ang pawhin a pek theih a, \um thum pawhin a pek theih dawn bawk. Lirthei Chhiah hi \umkhata pek tlak a nih loh chuan kum nga (5) dana pek tur a ni a, kum 15 atana \umkhat a pe tla nghal duhte tan chhiah hi lirthei man a\anga za-a paruk (6%) pek tur a ni. |um hniha pe duh tan \um khatna ah kum sawm (10) atana pek tur a ni a, kum 10 atan lirthei man a\anga 4.2%  pek tur a ni a, a bak kum nga hi kum sawm a tlin hnuah 2.2% chhiah pek leh tur a ni thung ang. |um thum-a Chhiah pe tla duh tan kum nga (5) dan zelah Chhiah hi pek tur niin, a hmasa berah a lirthei man a\anga 2.2% chhiah a pe anga, chutiang zelin kum nga dang atan pawh 2.2% zel chhiah hi a pe ang.

He chhiah pekna dan thar The Mizoram Motor Vehicles (Taxation) Act, 2019 (Act No. 13 of 2019) hian a hma lama hman \hin Mizoram Motor Vehicles (Taxation) Act, 1996 hnuaia sub-section (3) of Section 3 chu a thlak dawn a ni.