Serchhip-ah May thla chhungin Zu man tam; BEDC pawh man tur a awm leh \an tawh

Serchhip-a Excise & Narcotics Department chuan thla kalta, May 2019 chhung khan tualchhung siam Rakzu litre 400 chuang manin hun rei tak hnuah rampawn a\anga lakluh BEDC pawh Serchhip-ah man a ni leh tawh a. Tunlai a Instant Yeast hmanga Zu siamchhuah chu a hlauhawm avangin fimkhur turin mipuite an ngen bawk.

Serchhip-a Excise & Narcotics Department Office a\anga thu kan dawn danin thla kalta, May, 2019 chhung khan Serchhip-a Excise & Narcotics Department chuan Rakzu litre 439.94 manin Zu bilhlai |in 45 an man bawk a, Zu siamna atana hman Bel pawh 26 zet manin lirthei LMV 2 leh Lirthei ke thum nei pakhat an man bawk. May thla chhung khan BEDC litre 32.9 man a ni bawk a, BEDC hi Bi-i tia hriatlar niin hun engemaw chen man tur a awm mumal tawhloh hnuah tunah hian a rawn hluar leh \an mek nia thudawn a ni bawk.  
May thla chhung vek khan Excise & Narcotics Department hian Heroin No. 4 pawh gram 3.1 an man bawk a. Hemi thla chhung hian ND&PS Act hnuaiah thubuai 5 ziahluh niin mi 6 man an awm a, MLPC Act hnuaiah thubuai 22 ziahluh niin mi 24 man an ni bawk. Hetihlai hian May 28-a Mizoram Liquor Prohibition Act hman a nih hnuah Serchhip-a Excise & Narcotics Department hian Rakzu litre 16.9 man tawhin Zu bilhlai |in 5 an man tawh bawk a, MLP Act hnuaiah hian thubuai 10 ziahluh ni tawhin mi 5 man an awm tawh bawk a ni.
Hetihlai hian Excise & Narcotics Department chuan thuchhuah siamin tunlaia Mizoram hmun \henkhat a Zu siam chu a chhiat thu leh a hlauhawm thu tarlangin, fimkhur tur leh in lo turin mipui an chah a. Heng Zu te hi tunhmaa Mizo rakzu siam dan pangngai ang ni lovin, Chhangthâwp urna dawidim (Instant Yeast) hmangin an siam \hin tih sawiin, Damdawi lam thiamte chuan Instant Yeast-a siam Zu in hi chu a hlauhawm em em a, Kal (kidney) leh Thin (liver) a khawih chhe hma hle tih an sawi thu tarlangin, heng rakzute hi in a hlauhawm hle a, fimkhur turin mipui an ngen bawk.
Serchhip-a END hi Assistant Commissioner kaihhruaina hnuaia awm niin Asst. Commissioner 1, Inspector 2, Sub-Inspector 4, Asst. Sub-Inspector 2, Head Constable 2, W/T Operator 2, Driver 1 leh Constable 19 an awm mek a, heng bakah hian Clerical Staff-ah UDC 2 leh LDC 2 awmin LDC pakhat hi MR-a thawk a ni.

Comments

Popular posts from this blog

PAN CARD an tih teh fo hi - Laldinpuia