Lirthei intlanchhawk dan tur Stay rih a ni

Mizoram Bar Association-in June thla tir a\anga Aizawl khawpuia lirthei intlanchhawk dan thar hman tur duh lova Gauhati High Court-a an khin avangin High Court chuan he Order hi June 6 thleng atan a Stay sak.

Mizoram Bar Association hian niminpiah khan Gauhati High Court Aizawl Bench-a Judge, Justice Nelson Sailo hnenah PIL hi an thehlut a, hei hi ngaihtuah zui tlak a nih leh nih loh Court chuan nimin khan a ngaih-tuah hnuah sawrkar in Order alo siam tawh chu June 6, 2019 thleng atan a Stay sak a, hemi chhung hian hemi chungchang hi ngaihtuah leh a ni ang. MBA-in High Court-a PIL an thehluh ah hian ruahmanna thar anga nikhata lirthei number tawpna pahnih zel din tir tumna chu mimal zalenna rahbehna ah an ngaih thu leh Traffic Jam chhan nia an hriat hrang hrangte pawh an tarlang bawk a ni.