Lunglei Town leh Aizawl by pass road siam dawn

PWD changtu Chief Minister ni bawk, Zoramthanga chuan Lunglei Town By pass Road leh Aizawl By pass Hoad siam turin hmalak mek a nih thu House a hrilh.

Nimin Assembly Budget Session zawhna leh chhanna huna Dr. Vanlal\anpuia zawhna chhangin PWD Minister chuan Lunglei Town by pass road siamna atan DPR siam \hat tura hmalak a survey mek a nih thu a sawi a, estimate zat tur ala hriat theih loh thu leh tun dinhmunah hemi atan cheng nuai 900 dah a nih thu sawiin, tun Financial year 2019-2020 chhunga hna \an hman beisei a nih thu a sawi a. Haulawng - Dawn pawh PMGSY hnuaiah upgrade tum a nih thu leh sanction nghah mek a nih thu sawi bawkin, he kawng hi intermidiate lane a siam tum a nih thu a sawi bawk.

Dr. ZR. Thiamsanga zawhbelhna chhangin PWD changtu Chief Minister chuan Aizawl by pass road pawh siam turin hmalakna a awm tih House a hrilh a, sum tam tak, cheng Vbc. 100 chuang hmanna tur a nih vangin uluk taka hmalak a ngaih thu leh Aizawl by pass road hi Aizawl thlang lama siam turin theihtawp a hmalak mek a nih thu a sawi.

Contractor ten \halo taka hna an thawk \hin chu \ha lo an tih thu sawi bawkin, “Hetiang ang hi a awm tawh loh hram kan beisei a, YMA ten an huamchhunga hnathawhte an lo enpui a, an lo endik \hin hi a hlawk a, chutiang ang bawk chuan sawrkar pawhin Contractor te hnathawh hi enzui zel kan tum a ni,” a ti bawk.