Delhi-ah Project kan fehpui dawn - Chief Minister

Chief Minister, Zoramthanga chuan Project siam a Central sawrkar a naw chhuah chu an hna pui ber tur a ni tih sawiin, “Project kan siam te Delhi-ah kan fehpui dawn a ni,” a ti.

Niminpiah-a a Department chan hrang hrangte demand sawihona hmawr a bawkna-ah he thu hi sawiin Chief Minister chuan Central-ah pawisa a tam tih chu ama sawi satliah mai a nih loh thu leh a tam sa hrim hrim thu a sawi a, “Vbc. nuai 24 chuang Central sawrkarin sum a nei a, hmathlir \ha neiin, Board hrang hrang kan din ten project an siam anga, Delhi-ah kan feh pui dawn a ni,” a ti a. Kumin ah Central in an budget an la pass lo tih sawiin, “Vbc. nuai 24 chuang deuh nikum-a an budget a ni a,Central hian anmahni in ram pakhat mah an neilo. Development tihna turin \in khat hmun pawh ram an neilo. Chuvangin neitu nihna zuk hauh thiam a ngai a, chumi hmang thiam a piang mi vannei an ni mai,” a ti bawk.

MLA zawng zawngin an hlawh a\anga 1% Health Care atan an dan dawn tih sawiin, chu chu GPC thutlukna siam a nih thu Chief Minister chuan a sawi a, MLA te hmalakna chu sawrkar hnathawkte leh mipuite chona tur a nih thu pawh a sawi a. Hnaruak hnawhkhah tur a tam lutuk vangin kumin Budget a buaithlak hle tih sawi bawkin, vawi khat ah hnawhkhat turin tihngaihna a awm loh thu a sawi bawk.

Mizoram in Central Service Cadre hran neih \ul a tih chungchang pawh sawilangin Chief Minister chuan, “IAS, IPS etc. Cadre hrang Mizoram in kan nei ngei ngei tur a ni. Sawrkar hmasa hunah khan pawh Home Minister, Rajnath Singh ka sawipui tawh a, kan neih ngei ngei min duhsak pui. Chu chu theihtawp a nawr zui kan tum a. Tun dinhmunah chuan Hnamdang IAS, IPS an rawn kal a, Delhi a kal leh ringawt an tum a, Mizo \awng zir duh an awm bawk silo a, a buaithlak lutuk a ni,” a ti.

Mizoram House chungchang pawh sawilang telin Chief Minister chuan, Kolkota-ah Mizoram House awmsa bak hmundanga sak dan tur an zawng mek thu te, Mizoram House neih tam a ngaih thu te sawiin, Guwahati-ah a hmun an lei dawn thu te, Building sak sa lei tur an hmuh thu te a sawi a, Shillong NEIGRIHMS bula ram neih sa ah pawh sak tum a nih thu bakah, India ram hmundanga Mizoram House awmsa te pawh sum awmdan a zira thuam\hat dan ngaihtuah a nih tur thu a sawi. 

Aizawl khawpui chhunga kawng chhawng siam tum a nih chung-chang pawh Chief Minister chuan sawilang bawkin, "Kan zuk sawina ber tur te Delhi lamah Sawrkar an la kal mumallo a, Budget te siam fel sela DPR kan siam te nen kan thawkthla ve dawn a ni. Kawng chhawng siam turin ngaihtuahna tam tak kan seng tawh a, mi ram lak ngai miahlo deuhthaw in siam thei turah kan inbeisei," tiin, tuna duhdan anlo neih ve te chu a taka thawh a nih hunah ala danglam leh thei dawn niin a sawi bawk.

District thar pathum chungchangah pawh a theih ang anga hmalakna an kalpui mek thu Chief Minister chuan sawiin, kumin Independence Day chu DC ten flag pawt pharh a an hman chilh theih ngei an tum thu te a sawi bawk a. Lengpui Airport a\anga Aizawl a kal thei turin Ropeway project buaipui mek a nih thu pawh sawiin, Raw lian \ha chi chinga Mizoram Economy chawi-kang tura ruahmanna an kalpui mek dan tlangpuite a sawilang tel bawk.

MIMER hming chu Cabinet Meeting ah 'Aizawl Medical College' ti a thlak rawtna awm thu te, hemi bakah hian a hming atan 'Mizo-ram Medical College' tih rawtna te pawh a awm thu sawiin, Cabinet Meeting chuan Zohnahthlak dangte huapzo turin 'Zoram Medical College' (ZMC) hming a put tir tih sawi a, amah hming chawi a ZMC hming puttir a nih loh thu Chief Minister chuan a sawi bawk.

Lengpui Airport runway chu tun ah hian ngawrh takin a siam \hat hna cheng vbc. 5 chuang senga thawh mek a ni tih Chief Minister chuan sawi bawkin, kum 20 chuang kalta-a a runway tehna, Pavement Classification Number (PCN) a number 36 chu tun thlengin rin char char ala ni tih a sawi a, Thlawhna lian \umna tur atan chuan PCN hi 50 a kai a ngai niin a sawi. Hemi vang hian a tehtu tur AAI kovin, chung mite chuan an hmanrua nen Mizoram an rawn pan mek tih sawiin, chung mite rawn teh tur chuan tunah hian ngawrh taka hmalak a nih thu a sawi a, Silchar lam a\anga truck trip 150 chuang lung an lak tawh thu leh inches 2 deuh thaw (mm 40 vel) a chah in pavement tih \hat mek a nih thu a sawi bawk.

Chief Minister chuan Airlines company \henkhatten an rawn \um duh loh chhan an sawi chu PCN 36 chauh a tlin vangin an load lak theih a tlem ni a sawiin, chu chu advantage ah la in, chuanman pawh a san a ngai niin an sawi a, he hmalakna hi zawh a nih chuan Airlines company dangte koh-luh theih ngei an in rin thu a sawi bawk.