Latest News

Hnahthial District tih puitlinna turin enfiah

South Tuipui bialtu MLA leh Health Minister, Dr.R.Lalthangliana chuan Inrinni zing khan Hnahthial District tih puitlinna turah Hnahthial khawchhunga Sawrkar Department hrang hrang ram dinhmun a enfiah a, June 15 ralhmain an dinhmun leh mamawhte chu ziakin a hnenah thehlut turin Pisa hrang hrang hotute chu ngen bawk.
Inrinni zing-a Hnahthial a tlawhna ah hian Dr. R. Lalthangliana chuan Hnahthial-a Sawrkar Department hrang hrang awm mekte chu tlawhin District tih puitlinna turah District Officer \hutna tur Office leh Quarters sakna tur hmun a awm leh awm loh uluk takin a enfiah a, lo dawngsawngtu Officer leh staff-te chuan ram an neih \hat thu leh an len theih tur thu an hrilh hlawm a ni. Hnahthial hmunah hian a taka Sawrkar Department in Pisa an la neih si loh, ram erawh an neih si te pawh a hmunah kalchilhin a enfiah nghal vek bawk.
Dr. R. Lalthangliana chuan Hnahthial-a Department awmsa zaa 80 te chu ti changtlungin ti lian dawn pawh ni se an ram neihah an leng thei vek dawn tih sawiin, vanneihthlak a tih thu a sawi a, “District ti puitling tur hian Building thar sak zawh vek kan nghah dawn chuan a rei deuh dawn si a, \henkhatte chu Office atan Mimal In kan luah rih pawh a ngai dawn a. Hnahthial, Saitual leh Khawzawl District te hi tih puitlin ngei kan tumin kum 5 chhung hian District changtlung tak an nih kan beisei a, hemi kawngah hian mipuite \awiawmna ka ngen nghal bawk a ni,” a ti a. Minister hrang hrangte hnenah an Department enkawl te chu District tih puitlina tur atan ruahmanna siam tir tura a ngen thu pawh sawiin, “Department hrang hrangte hian min bawhzui \hat sak avangin ka lawm hle a ni,” a ti a. Hnahthial DC Complex tur atan ruahmanna la tih fel chiah ala awm loh thu sawiin, Office leh In luah tur erawh a awm niin a hriat thu a sawi bawk.

Comments

Popular News (Last 30 Days)