Livestock Value Chain-a hmalakna tur thlirhona nei
Zirtawpni khan Serchhip District Agriculture Office-ah FOCUS hnuaia Livestock Value Chain chungchanga Serchhip District a hmalakna tur sawihona neih a ni.
He sawihona hun District Agriculture Officer leh FOCUS District Project Manager, C. Lalnithanga kaihhruaia neih ah hian DAO chuan FOCUS hnuaia Livestock Value Chain chungchanga Serchhip District chhunga an hma-lakna turah Department zawng zawngte thawhhona \ha an neih a \ul thu leh a bik takin AH&Vety Department te an pawimawh em em a ni, a ti a, theihtawp chhuah turin a sawm bawk.
He hunah hian Dr. Lalhmingthanga, Deputy Director, SCRAM & FOCUS Implementation Management chuan an hnathawh tur hi a enkawltu Department aiin DVO te an \an a ngai hle dawn tih sawiin, thingtlanga ranvultuten awlsam zawka an harsatna an sutkian theih nan FOCUS hian nasa takin hma an lak tur thu a sawi a. A hlawh-tlinna erawh chu Vety Department-a Officer te kutah a innghat nasa hle a ni, a ti a, DVO Staff leh VFA te chu a \ulna apiangah Agriculture Department pui \hin turin a sawm bawk.
He hunah hian Dr. Zarzoliana, District Veterinary Officer, Serchhip leh Technical Officer (Vety) FOCUS, Serchhip leh Assistant Manager te an tel a. Serchhip District chhung khaw hrang hranga kuthnathawktu, loneitute leh ran vulhtute mamawh hrang hrangte leh enkawl pui dan tur (Livestock value Chain) a hmalakna tur ruahmanna an siam a ni.
Comments
Post a Comment