Serchhip District Sports Committee (SDSC) General Body Meeting DSYO hovin neih a ni

Serchhip District Sports Committee (SDSC) chuan nimin khan General Body Meeting neiin Serchhip District Sports & Youth Officer, Ngurthansanga MCS chuan khuallian niin a hmanpui.

Tarpi tlang SIRD Auditorium-a Serchhip District Sports Committee (SDSC) General Body Meeting-ah hian District Sports & Youth Officer, Ngurthansanga chuan Mizoram sawrkar in ruahmanna a siam angin District Sports & Youth Officer mawhphurhna chu a lak thu leh DC hnuaia awm an la nih thu sawiin, sum leh pai leh Staff pawh a hrana an la neihloh thu a sawi a. Amaherawh chu infiamna lama hma kan sawn dan enin hun reilote ah Department puiling a nih thuai a beisei thu a sawi a. District Sports & Youth Officer mawhphurhna a lak hnuah an hmalakna lian ber chu Sports for Peace (Khelo India) a nih thu sawiin, hemi tih hlawhtlinna ah District Sports Committee in theihtawp an chhuah leh an ruahmanna hnuaia hlawhtling taka an zofel thei chu lawmawm a tih thu a sawi a. Serchhip District-ah infiamna lama Association hrang hrang ten hruaitu \ha tak tak leh inpe tak tak an nei nia a hriat thu pawh sawiin, pawl hruaitu ten mahni hlawkna ringawt an um chuan hmasawnna a awm theih \hin loh thu leh Sports Association hruaitute chuan an nundan thlenga an fimkur a \ul thu a sawi bawk.

Serchhip District Sports & Youth Officer chuan karleh mai-ah Reiek khua-a BDO hna chelh tura a insawn dawn thu pawh sawiin, hun lokal zel turah Sawrkar Official te nen thawhhona \ha tak nei zel turin a chah a, thawhhona \ha a awm loh chuan infiammi ten an tuar \hin tih a sawi a. Infiammi \ha tak te chu an rilru a chak \hin tih pawh sawiin, hei vang hian zirna leh infiamna chu a kalkawp thei a ni tih hriaa midangte hrilh chhawng zel turin he huna Sports Association hruaitu kalkhawmte chu a chah bawk.

Serchhip District Sports Committee Chairman, K. Tlangthanmawia kaihhruai Serchhip District Sports Committee (SDSC) General Body Meeting-ah hian an Secretary, David Laldintluanga leh Treasurer, John Zorammawia te hnen a\anga report ngaihthlak a nih bakah an hnuaia Sports Association hrang hrangte a\angin report ngaihthlak a ni bawk a, hemi hnu hian an hmalakna tur hrang hrang an rel chhunzawm leh bawk a ni.

District Sports Committee hi Mizoram State Sports Council (MSSC) hnuaia awm niin Sports Association hrang hrangte telna a ni a, Sports Association te tih hmasawnna atan leh thawhhona \ha zawk an neih theih nan hma lain MSSC a\anga Promotional Fund an hmuh te pawh Sports Discipline hrang hrangte hnenah a \ul dan angin an semchhuak \hin a. Tunah hian Serchhip District Sports Committee hnuaiah hian Sports Association 20 an awm mek a ni.