MZU Southern Campus din turin hmalak zel tum

Higher & Technical Education changtu Minister, Dr. R. Lalthangliana chuan Mizoram University Southern Campus, Lunglei a din a nih theihna turin chak taka hmalak zel tum a nih thu leh tun dinhmun a harsatna an harsatna bul ber chu Central sawrkar-ah a nih thu a sawi.
Nimin a Assembly Budget Session-a Lunglei North bialtu MLA, Dr. Vanlal\anpuia zawhna leh member dangte zawhbelhna chhanga he thu hi sawiin Dr. R Lalthangliana chuan, MZU Southern Campus, Lunglei a din a nih theih nan MZU Academic Council chuan MZU insawhngheh hnua a hmachhawp atan a dah tih sawiin, Mizoram University chuan Ministry of Human Resources Development ah vawi tam tak lehkha a thawn tawh thu leh tun thlenga chhanna duhawm ala awm loh thu sawiin, a tir atan subject 10 hawng tura ruahmanna pawh siam a nih thu a sawi.
H&TE Minister Dr. R. Lalthangliana chuan MZU Sourthern Campus, Lunglei a dinna tur chu Mizoram sawrkar thuneihna ni chiahlo mah se, sawrkar tih tur tam tak a awm tih a sawi a, hemi ang hian amah ngei pawhin sawrkar kalta ah khan HRD Minister hmua a sawipui thu leh HRD Minister pawhin an neih ngei tur thu alo hrilh niin a sawi a, amaherawh chu Central-ah sawrkar an inthlak a, HRD Minister thar a awm leh tak avangin hmalakna a kal thui thei rih lo tih sawiin, “Tun dinhmun a harsatna bul ber chu Central sawrkar-ah a ni a, chak taka bawhzui zel kan tum,” tiin, MZU Sourthern Campus dinna tur hian MZU lam pawhin an theihtawp an chhuah thu a sawi.
Zawhbelhna chhangin H&TE Minister chuan NIT Mizoram chungchangah pawh nasa taka hmalak tur a awm tih sawiin, NIT Mizoram Director thlakhat-ah ni 5 emaw vel chauh Mizoram-ah a awm \hin ni a sawi pawh a hriat thu leh \halo a tih thu a sawi a, India ram NIT zinga ranking pawh nei phalo, a chhe ber zinga a \ang mek chu enfiah a ngai takzet tih H&TE Minister chuan a sawi.
District hrang hranga Polytechnic dinna tur Building sak tawh tih hlawhtlin tum a nih leh nih loh zawhna chhangin Dr. R. Lalthangliana chuan, Sawrkar hmasa-in hma a lo lak tawh hlawhchham tir mai chu a remchan loh avangin a tihlawhtling tura theihtawp chhuah tum a nih thu leh thil buaipui ngai awmte bawhzui a nih tur thu a sawi a. District hrang hranga Polytechnic dinna tur Building sak sa chu a zawhna a rei tawh hlawm a, Sawrkar hmasa-in engemaw lai khan zirtirtu la turin ruahmanna a siam a, hei hi DR&AR in a pawm vek tawh hnuah nikum khan Cabinet \hukhawm chuan he ruahmanna hi a paih leh tak \hut avangin tun dinhmun hi an thleng ta a ni, a ti. Tunah hian H&TE Department hnuaiah Asst. Professor hnaruak 167 leh Non-Teaching Staff hnaruak 69 a awm a, hengte hi hnawhkhah a nih phawt loh chuan chak taka hmalak a har thu a sawi bawk.

Comments

Popular posts from this blog

PAN CARD an tih teh fo hi - Laldinpuia