Latest News

Mizoram leh Myanmar inkalpawhna tur KMMTTP (Mizoram Sector) March 20, 2020 ah zawh tum

Commerce & Industries changtu Minister, Dr. R. Lalthangliana chuan, Mizoram chhim lam-a Kaladan Multimodal Transit Transport Project (Mizoram Sector) chu March 20, 2020 ah zawha hawn tum a nih thu sawiin, tun dinhmunah he project hi 85.50% zawh tawh a ni tih a sawi a. Hetihlai hian Chief Minister, Zoramthanga chuan KMMTTP-a zangnadawmna chungchang buaina awm mek chu chinfel theih beisei a nih thu a sawi.
Nimin a Mizoram Assembly Budget Session zawhna leh chhanna hunah MNF Member pahnih- F. Lalnunmawia leh Vanlal\anpuia te zawhna in\awm leh zawhbelhna awm te chhangin, Commerce & Industries Department changtu Minister, Dr. R. Lalthangliana chuan, KMMTTP zawh hun tur chu March 20, 2020 ni mahse, hemi hun chhunga project zawh hman chu zangnadawmna chungchang buaina vangte leh chhan hrang hrang vangin a huphurhawm a a rin thu a sawi a, Congress Member C. Ngunlianchunga zawh belhna chhangin KMMTTP a ram neitute zangnadawmna pek tur chu Commerce & Industries lam chan a nih loh thu a sawi bawk.
KMMTTP chungchang ah hian Chief Minister, Zoramthanga chuan sawrkarin a tih tur tam ber a ti zo tawh tih sawiin, tunah hian zangnadawmna chingfel turin hmalak mek a nih thu leh tih theih pawh beisei mek a nih thu House a hrilh a, India sawrkar inthlanpui vangin Border Trade hrang hrangah hmalak chak a har rih tih sawiin, “India sawrkar hnenah hma la chak tura nawr nasat kan tum dawn a, Bangladesh lam leh Myanmar sawrkar lam pawhin an hmalakna tur chin chak zawka an thawh theihna turin hmalak kan tum,” a ti bawk.
Commerce & Industries changtu, Dr. R. Lalthangliana chuan member te zawhna dang chhangin Kawrpuichhuah Border Trade dinna turin Commerce & Industries Department chuan kum 2001 khan ram 224.99 Bigha (No. DLP 56 of 2001)-a nei tawh tih sawiin, Central sawrkar duh dan angin Integrated Check Post (ICP) Border Trande din nan kum 2010-ah 224.99 Bigha a\angin 52.21 Bigha pawh Secretary, Ministry of Home Affairs, Govt. of India hming dah a nih tawh thu a sawi a. Detail Project Report (DPR) pawh Central sawrkar-ah thehluh a nih tawh thu sawi bawkin, kum 2013-a Land Port Authority of India chuan Border Trade develop tur list ah ICP Kawrpuichhuah chu a dah tawh thu leh Tlabung-Kawrpuichhuah kawng chu Mizoram PWD enkawl lai mek a nih thu a sawi bawk.
International Border Trade tihlawhtling turin India leh Bangladesh Official te nen Meeting leh Joint Verification neih \hin a nih thu Dr. R. Lalthangliana chuan sawiin, India leh Bangladesh inkalpawhna tur Leilawn dawh thuai a nih theih nan State sawrkar leh Central sawrkarah nawr reng a nih thu leh Infrastructure dinna tur Central-a DPR thehluh pawh aproval pe turin Central sawrkar ah nawr reng a nih thu a sawi bawk.

Comments

Popular News (Last 30 Days)