Kumin ah khuarel chhiatna avangin Mizoram-ah In chhia 2785 chhinchhiah a ni tawh

Disaster Management and Rehabilitation Department changtu Minister, Lalchamliana'n kumin chhungin Mizoram-ah khuarel chhiatna vanga chenna In chhia 2,785 an awm thu sawiin, chung zinga 138 chu luahzui tlak lovin a chhe vek tih a sawi.
Nimin a Assembly Budget Session zawhna leh chhanna huna ZPM member, Vanlalhlana zawhna leh zawhbelhna dangte a chhanna ah DM&R Minister chuan, khurel chhiatna hi Mamit District tih loh District dang zawng a\anga dawn vek a nih thu a sawi a. Aizawl District-ah In chhe vek (Fully Damage) 53 awmin, Partially Damage (15% aia tlem chhia) 77 a awm tih a sawi a, chhiatna hi khaw 37 in an tuar tih a sawi a. Lunglei District-ah In chhe vek 41 awmin, Serious Damage (15% aia tam chhia) 13 leh Partially Damage 1,558 an awm a, khaw 6 in he chhiatna hi an tuar tih a sawi.
Siaha District-ah chenna In chhe vek 11 awmin, Serious Damage 63 leh Partially Damage 98 a awm a, khaw 30 in khuarel chhiatna an tuar a. Champhai District chhungah khuarel chhiatna tuar chhungkaw 14 an awm tih DM&R Minister chuan sawi bawkin, chenna In chhe vek 9, Serious Damage 4 leh Partially Damage 18 a awm tih a sawi a. Kolasib District chhung ah khuarel chhiatna tuar khaw 15 an awm thu leh chungte chu chenna In chhe vek 31, Serious Damage 99 leh Partially Damage 164 an ni a, Serchip District chhungah chhiatna tuar khaw 12 awmin, chenna In chhe vek 2, Serious Damage 5 leh Partially Damage 28 an awm thu leh Lawngtlai District-ah chhiatna tuar khaw 42 awmin, chenna In chhe vek 26, Serious Damage 33 leh Partially Damage 387 an awm thu DM&R Minister chuan a sawi bawk.
DM&R Minister, Lalchamliana chuan khuarel chhiatna tuarte chu Central Guidelines zul zuiin \anpuina pek \hin an nih thu a sawi a, chenna In chhe vek (Fully Damage) chu Rs. 1,90,000/- \anpuina pek theih an nih thu te, zaa 50 aia tam chhiate hnenah Rs. 52,000/- leh zaa 50 aia tlem chhiate hnenah Rs. 32,000/- pek theih a ni thu a sawi bawk.
Home Minister chuan khuarel chhiatna thleng reng reng a tuartu ten \anpuina an dawn theih nan thuneitute hnena thlen a ngai tih a sawi a. Hei hi anmahni bialtu VC emaw, Disaster Management and Rehabilitation Directorate-ah emaw hriattir \hin tur niin, VC zingah a ngaihna hriate chuan chhiatna an tawh chungchang hi an thlen nghal \hin a, chung mite chu dan dinglai anga \anpuina pek \hin an ni a, thuneitute hnena hriattirlo te chu \anpui ngaihna a awm \hin lo tih a sawi a. Chhiatna thlen thluha hmalakna atan nikum khan Department chuan Mitigation Fund-ah cheng nuai 996 a dil a, hei hi hmuh mai a nih loh hnuah kumin kumtir khan cheng nuai 386 pek an ni a, hei hi an beisei aia nasa taka a tlem zawk avangin ruahmanna an lo siam tawh anga hmalak theih loh a awm nual dawn tih a sawi bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia