Mihring rukbo thubuai 9 ziahluh a ni tawh

Home Minister, Lalchamliana chuan Mizoram-ah Immoral Traffic (Prevention) Act tlawhchhanin mihring rukbo (Human Trafficking) thubuai 9 ziahluh tawh a nih thu Assembly House hrilhin, Human Trafficking tibo turin Mizoram sawrkarin hmalakna hrang hrang a nei mek tih a sawi bawk.

Nimin-a Assembly Budget Session zawhna leh chhanna hun a Dr. Vanlal\anpuia zawhna chhangin Home Minister chuan Aizawl, Lunglei, Kolasib leh Champhai District-ah te Anti-Human Trafficking Unit din a ni tih a sawi a, State leh District Level Training buatsaih a nih \hin bakah School, College leh zirna In hrang hrangah Awareness neih \hin a nih thu a sawi. Zawhna neitu Dr. Vanlal\anpuia zawhbelhna chhangin Home Minister chuan, kumin kum bul lama Lunglei Farm Veng tleirawl 4 hruaibo tumtu leh tunhnaia Lunglei District chhung, |hual\hu khaw hmeichhe naupang rubotute chungah action lak ala nih lo tih a sawi bawk a, hemi chungchang hi chhuichian mek zel a nih thu leh an pawikhawihna finfiah a nih chuan dan angin an chungah action lak a nih tur thu a sawi bawk.

Dr. ZR Thiamsanga zawhbelhna chhangin Home Minister chuan, Mizoram-a Women Police indaihlohna chu hnawhkhah tumna ala awm rih loh thu leh lak belh a nih chuan mamawhna a zirin District tinah sem rual a nih tur thu a sawi a. Aizawl Traffic Police ti changtlunga thuam chak tura theihtawpa hmalak a nih tur thu a sawi bawk. Home Minister chuan tun dinhmunah Aizawl khawpui chhungah Traffic Police 300 chuang hret an awm mek tih sawi bawkin, tunhnai ah mi 90 chuang pek belh an nih thu te zawhbelhna chhangin a sawi bawk.