MRP aia to-a zawrh man

/
Tunhnaiah Serchhip-a sumdawng \henkhat ten an thil zawrh a MRP thaichhia leh MRP aia a man to-a zuar an awm report an dawn angin nimin khan Legal Metrology Inspector,  Johny Zonun-mawia leh a thawhpuite chuan heng Dawr te hi an enfiah a.
Motor Parts zuartu zingah  MRP aia man sang-a zuartu dawr chu enfiah niin MRP aia man sang-a zawrh hi an lo nei tawhlo a. Pheikhawk zawrhna dawr pakhat in MRP aia to-a an zawrh Silipar bun nga (5) chu man a ni thung. Heng MRP aia man sang-a zuar te chungchang hi la ngaih-tuah tur a nih thu Legal Metrology Inspector chuan a sawi bawk. Heng Dawr an enfiahna ah hian Consumers Association hruaitute pawh an tel a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »