Chief Minister in Leisekawt Mual zauh dan tur leh Circuit House sakna tura ruahman a tlawh

Chief Minister, Zoramthanga chuan nimin khan Serchhip rawn tlawhin Serchhip P&E Veng-a Leisekawt Mual laihzauh dan tur leh Helipad bula Circuit House sak dan turte a enpui a, nimin vek khan Aizawl panin Serchhip a chhuahsan leh nghal.

Chief Minister Zoramthanga hian nimin chawhma dar 11:00 khan Thenzawl a\anga Serchhip rawn thlengin Serchhip P&E Veng Leisekawt Mual-ah Serchhip DC, Sangchhin Chinzah leh SP, R. Sathiyasundaram bakah sawrkar hnathawkte leh Serchhip in nakum-a K|P General Conference a dawn tura Organising Committee hruaitu ten an lo dawngsawng a. He hunah hian nakum a Serchhip in K|P General Conference a dawn tur atana inbuatsaihna kal mekah Serchhip P&E Veng-a Rural Development Department ram chu Field zauhna atana lai tura ruahmanna lo awm tawh te chu CM hnenah hian thlen niin he hna hi thawh hnih (2)-a thawh tura ruahman a nih thu leh BDO Residence bakah Quarters dang panga (5) te chu \hiah a ngaih tur thu leh K|P General Conference neih hun hi a hnaih tawh avangin hna pawh \an thuai a \ul tawh thu te Chief Minister hnenah hian lo thlen a ni a. Chief Minister chuan BDO chenna In chu sawn nghal vut vut ngailo a nih avang leh vawilehkhat ah sum pawh awm nghal vek dawnlo mah se Field laihzauh hna chu lo \an phawt turin a ti a. Field laizau tur hian a thawh khatna ah hian RD ram hmawr lam, ICDS Office hnaih lam a\angin hna \an tur a ni ang.
Hemi hnu hian Chief Minister hian Serchhip Helipad bula Circuit House sakna tura ruahman chu a tlawh bawk a, Serchhip DC bakah Addl. DC, Chuauhnuna leh SDO (Sadar), R. Vanrengpuia ten Circuit House sakna tura ruahmanna an siam dan te lo hrilhin, PWD (Buildings) lam hotu ten Khawtetlang-a Circuit House sakna tura ruahmanna an lo siam tawh nen a danglam dan tur an sawi a, Helipad leh EE PHE Quarters inkar ah hian Circuit House hi leng thei tura ngaih niin helai ram hi Restricted Area niin Ft. 100 bial vela zau a ni a, chhawng thum (3)-a sak theih tura ruahman niin VIP Room leh room dang awmdan turte pawh sawiho nghal a ni a, Helipad nena in dip lovin Circuit House hi sak theih tura ngaih niin PWD (Buildings) hian ruahmanna an siam leh dawn a ni. Serchhip-a Circuit House sakna tur hian pawisa pawh a awm tawh nia thudawn a ni a, ruahmanna siamfel a nih hnuah hna pawh hi \an mai theih beisei a ni.
Chief Minister hian New Serchhip Pioneer Camp hlui-a PWD (Highway) building luah loha awm mek pawh a thlir nghal bawk a, Party hruaitute leh mipui ten an kawm hnuah nimin vek khan Aizawl panin a chhuak leh nghal a, Lunglei North bialtu MLA Dr. Vanlal\anpuia leh Adviser to Chief Minister, C. Lalramzauva chuan a \awiawm a ni.

Comments

Popular posts from this blog

PAN CARD an tih teh fo hi - Laldinpuia