Zokhawsang-a AR te insawn hun tur ala hriat loh; Assam Rifles ram-ah LSC nei 61 an awm

Home Minister, Lalchamliana chuan Aizawl khawpui laili a\anga Assam Rifles te insawnna tur Zokhawsang a Assam Rifles Complex sak hna chu building \henkhat pawimawh zual leh building panna kawng siam zawh ala nih loh vangin Assam Rifles te Zokhawsang-ah anla insawn theilo tih House hrilhin, an insawn hun tur sawi theih ala nih loh tih a sawi.

Assembly Budget Session nimin a zawhfel taka ziaka Zawhna chhan chi (Unstarred question)-a Aizawl West-II bialtu MLA, VL. Zaithanzama leh Aizawl South-II bialtu MLA, Lalchhuanthanga te zawhna in\awm ziaka a chhanna a tarlan a nih danin Home Minister chuan, Ministry of Home Affairs thuchhuak angin Assam Rifles te chu 31.5.2019 hma a Zokhawsang a insawn tura tih an ni a, amaherawh chu Zokhawsang a Assam Rifles te building pawimawh zual te an hnena hand over ala nih loh vangin an insawn hun tur sawi theih ala nilo tih a tarlang a. Zokhawsang a Assam Rifles Complex sak hna chu Ministry of Home Affairs in EPIL (PSU) a thawh tir an nih thu leh anni hian building \henkhat pawimawh zual leh heng building panna kawng an la zawh loh vangin a nla insawn theilo tih Home Minister chhanna ah chuan tarlan a ni bawk.
Zawhna danga Congress Member, C. Ngunlianchunga zawhna ziaka Polical & Cabinet Department changtu Chief Minister ni bawk Zoramthanga'n a chhanna ah, Assam Rifles te Zokhawsang a\anga May, 2019 chhunga an chhuah hman loh thu chu Ministry of Home Affairs, Government of India ah hriattir tawh niin, an ni lam hian a \ul angin hma an la ang tih a tarlang a. Chief Minister chhanna a a lan danin, Aizawl khawpui laili laia Assam Rifles hmunah LSC nei mi 61 an awm a, chung zinga mi 6 te chuan an LSC an surrendered tawh a. Assam Rifles Commandant Bangalow area-ah LSC nei mi 4 an awm a, Assam Rifles Commandant MC. Donald Hill area-ah LSC nei mi 3 awmin, midang zawngte chu Lammual Area chhunga LSC nei an ni a. Assam Rifles hmun a LSC nei zingah hian Ex-MLA pahnih an tel thu leh PHE Department hminga LSC awm leh Village Council Court hminga LSC awm te pawh a tel thu tarlan a ni bawk. 
Aizawl Sipai Lammual area chhung bika LSC nei zingah hnam dang 5 an tel bawk a, chung mi 5 te chuan an Address-ah Bethlehem Veng hmang vekin, chung mite chu Ramprasad Upadhayaya, record-a a lan danin LSC-ah hian Assam type In a awm a, hun rei tawh tak a\angin 'puithiam In' tia hriat \hin a ni a, tun thlengin an la cheng a, dan kalh a LSC hi pek a ni. A ni baka hnam-dang LSC awmte chu Ramprasad Upadhayaya fate hming a, House pass/LSC dan kalh a pek te an ni.

Comments

Popular posts from this blog

PAN CARD an tih teh fo hi - Laldinpuia