Financial Literacy Week hawng

Reserve Bank of India (RBI), Aizawl buat-saihin nimin khan Aijal Club-ah 'Responsible Borrowing and Agricultural Finance' tih thupui a hmangin Financial Literacy Week 2019 hawnna neih a ni a, Agriculture Department Secretary, Lalhmingthanga IAS chuan khuallian niin a hmanpui a ni.
Financial Literacy Week 2019 hawnna hunah hian Agriculture Secretary chuan Mizoram-ah loneitute tan hma nasa tak a lak mek a nih thu tarlangin, “Mission Organic Value Chain Development for North East Region hnuaia Farmer Producers Organisation kaltlangin Hmarchate, Aieng leh Sawhthing tharchhuah kawngah hma lak mek a ni a, tunhnai khan Darzo-ah Tea Processing Plant bun a ni tawh bawk a ni,” tiin “IFAD hnuaiah Fostering Climate Resilient Upland Farming System (FOCUS) kalpui mek a ni a, hun reilote chhungin kan ram loneituten a hlawkna an hmuh thuai kan beisei a ni,” a ti.
Mizoram-ah tunhnaia Fall Armyworm avanga Vaimim chingtuten harsatna an tawh mek thu pawh sawiin, “Heng loneitute channa nasa tak chhawmdawlna tur hian Insurance Company te nena kan inbiakna te chu a hlawhchham leh \hin avangin kan ram chhunga Bank hrang hrang awm te hi Crop Insurance Policy hmanga loneitute pui tura hmahruaitu ni turin ka sawm che u a ni,” a ti bawk.
Ram hmasawnna atan loneitute hi an pawi-mawh hle rualin Loan hmang thiam loneitute chuan hma an sawn leh zual \hin a ni a, hei vang hian RBI chuan loneituten Bank a\anga sum tam zawk an puk theihna atan ruahmanna a siam \hin a, he hmalakna hnuaiah hian Financial Literacy Week hi kumtin RBI in an buatsaih \hin a. Kumin Financial Literacy Week-ah hian “Sum puktu rintlak leh Bank nen inthlunzawm loneitute ham\hatna” tih thupui hmangin June ni 3 a\anga ni 7, 2019 inkar hian hman tura ruahman a ni.

Comments

Popular posts from this blog

PAN CARD an tih teh fo hi - Laldinpuia