YMA in hnathawh enfiah

Serchhip Sub-Hqrs. YMA Vigilance & Monitoring Committee chuan nimin khan Serchhip Sailiamkawn-a Horticulture Department in Kudam an sak meka hnathawh chu an enfiah.
Serchhip Sub-Hqrs. YMA Vigilance & Monitoring Committee hruaitute hian nimin chawhnu khan Serchhip Sailiamkawn-a Horticulture Department Kudam tur sak mek hi tlawhin an enfiah a, he Kudam hi Lushai Engineers, Construction & Consultancy Company ten an sak niin a sakna tur hmun hi Serchhip DHO Office a\anga thlan a ni a, cheng nuai 100 senga sak tur he Kudam-ah hian 132.9 sqm-a zau Kudam bakah 38.18 sqm-a zau Quarters a awm dawn a, heng bakah hian a kawt zawl leh Side drain pawh siam nghal tura ruahman a ni.
Helai hmun tlawhtu YMA Sub-Hqrs. hruaitute chuan Balu chhawp mek chu \halo an tih thu sawiin, hmanglo turin hnathawktute chu an ngen a, he Company hotute chuan an Balu chhawp chu a \halo tih an hriat thu leh hmang lo tura an lo dah hran tawh a nih thu sawiin, hna \ha thei ang bera zawhfel an tum thu an sawi bawk.

Comments

Popular posts from this blog

PAN CARD an tih teh fo hi - Laldinpuia