Tuichang Lei dawh mek a hnathawh dan Serchhip Sub-Hqrs. YMA hruaituten an enfiah

Serchhip Sub-Hqrs. YMA Vigilance & Monitoring Committee chuan Inrinni khan Kei\um leh Khawlailung inkar, Tuichang Lui-a Lei dawh mek chu tlawhin hnathawh kal mek an enfiah a. Hnathawh tawh chin chu \ha thawkhata an hriat thu sawiin, huntiam chhunga zo hman tura theihtawp chhuah turin an chah bawk.

Serchhip Sub-Hqrs. YMA Vigilance & Monitoring Committee hian May 2, 2019-a Tuichang Lei dawh mek an tlawh hnuah Inrinni khan he Lei dawh meka hmasawnna awm dan an enfiah leh a, he hunah hian Sub-Hqrs. YMA hruaitute bakah Tuichangral South Group YMA hruaitute kalin PWD lam a\angin Lalduhzuala, SDO leh R. Lalrohlua, JE ten an hnathawh dan hi an lo hrilhfiah a, he Lei dawh hna hi M/S Sadguru Engineers & Allied Services Pvt. Ltd. Guwahati ten thawkin Ton 70 dawl zo tura duan a ni a, he Lei dawh meka hnathawh \ha tawklo nia sawi awm leh hmanraw hman \ha tawklo awm nia sawi te chu YMA hruaitute hian enfiahin, Lei dawh hna thawktute chuan hnathawh muang anga sawi awm chu hnathawktu tura an rawih ten chawlh an hman avanga an indaihloh deuh thu leh Bill an hmuh \hat tawklo vang te a nih thu an sawi a. He Lei dawhtute hian Mizoram hmun hrang hrang ah Lei dawh hna hi hmun 7-ah an thawk mek a ni.
He hunah hian PWD hotute chuan heng Lei dawhna atana an hman ah hian Iron Rod chu a design inang vek hman a nih thu sawiin, Central Road Fund (CRF) Funding a nih avangin hemi hmanga hnathawh hmun hrang hrang ah pek darh \hin thu leh kumin a Fund lo thleng turah dah tam deuh a nih an beisei thu an sawi a. Tuna thawh lai mek, Lei innghahna tur hi ruahtui tlak hmain zawh hman tura beisei niin, Fur ruahtui tlak lai chuan hna hi chawlh a ngai rih dawn a ni.
Kei\um leh Khawlailung inkar-a Tuichang Lei hi kum 2016 December thla a\ang khan dawh niin a tirah chuan RCC Lei, a lai-a ban ding-a dawh tura ruahman leh kum 2018-ah zawh hman tur a ni a, amaherawh chu Lei dawh tura a laia ban ding tur chu tih fuh theih a nih tak loh avangin Built-Up Steel Girder Bridge (Single Span) in dawh tura tih a ni leh ta zawk a, nikum November thla khan hna hi \an leh niin March 31, 2020-ah dawh zo tura tih a ni leh ta zawk a ni.

Comments

Popular posts from this blog

PAN CARD an tih teh fo hi - Laldinpuia