Serchhip Police Station-ah naupangte tana hmun nuam bik, ‘Child Friendly Corner’ hawn a ni

Naupang pawikhawihna a inhnamhnawih a puh leh vanduaina tawk naupang Police ten thu zawhfiah a \ul changa naupangte zalen, him leh hlim taka an awmna tura siam, ‘Child Friendly Corner’ chu Zirtawpni tlai khan Serchhip SP, R. Sathiyasundaram IPS chuan Serchhip Police Station-ah a hawng.
Serchhip Police Station Building chhawng chung-a ‘Child Friendly Corner’ siam thar hi Serchhip SP, R. Sathyasundaram chuan Ribbon chep chatin a hawng a. A lawmna inkhawm Serchhip Police Station Conference Hall-a neih zuiah Serchhip SP chuan Serchhip-a ‘Child Friendly Corner’ hawn a ni thei ta chu lawmawm a tih thu sawiin, Mizoram hmun \henkhat ah chuan hawn a lo nih tawh thu leh \angkai taka hman a nih tawh thu sawiin, hetiang hmun buatsaih a nih theih nana theihtawp chhuahtu Serchhip SDPO leh District Child Protection Officer te chungah lawmthu a sawi a. Naupangte himna chu ngaih pawimawh tur a nih thu pawh sawiin, chutiang atana thawhpui ah he huna kalkhawmte chu a sawm bawk.
Serchhip District Addl. SP, PC. Lal\anpuia kaihhruai he hunah hian District Child Protection Officer, Lalsiampuii pawhin ‘Child Friendly Corner’ hawn a ni ta chu Police leh DCPU Staff te tan chuan a lawmawm hle tih a sawi a. Juvenile Justice (Care and Protection) Act, 2015 chuan Police Station tinah Special Juvenile Police Unit awm tura a tih thu leh hetah hian Police Officer pawh hmeichhia awm tura tih a nih thu sawiin, naupang pawi khawih leh vanduaina tawk, thu zawhfiah ngai an awm changin Police Station chu naupangte tan hmun nelawm a nih \hin loh avangin hetiang hmun remchang hi siam tura tih a nih thu a sawi a. India rama Police Station tinah hetiang hi siam tura tih an nih thu leh tuna Mizoram-a siam tawh ah chuan Serchhip Police Station ami chu a \ha ber tling phak tura beisei a nih thu a sawi a. Serchhip District chhunga Police Station dang- Thenzawl leh North Vanlaiphai-ah te pawh hetiang hmun hi siam leh tura ruahman a nih thu sawiin, Serchhip-a Police, DCPU, Child Welfare Committee (CWC) leh Juvenile Justice Board (JJB) ten thawhhona \ha tak an nei chu lawmawm a tih thu a sawi bawk.
Serchhip Police Station-a ‘Child Friendly Corner’ hi naupangte tana hmun nuam ni tura cheibawl niin lemziak chi hrang hranga cheibawl a nih bakah naupang lawmzawng tur thil chi hrang hrangte pawh dah a ni bawk a A hawnna hunah hian sawmbikte an tel \ha hle a ni.

Comments

Popular posts from this blog

PAN CARD an tih teh fo hi - Laldinpuia