Sawrkar hnathawk hlawh ah 39.62% hmang dawn

Kumin sawrkar kum (2019-2020) Mizoram Budget pumpui a\anga sawrkar hnathawk hlawh zat chu za zela 39.62 a nih thu nimin khan Chief Minister, Zoramthanga chuan Assembly a hrilh.

Tun thla ni 13-a Finance Department changtu Chief Minister, Zoramthanga'n kumin sawrkar kum-a Mizoram sawrkar Budget tur, cheng vbc. 10,692.30 a pharh ah khan sum hman dan tur hi hlawm lian tak tak pahnihah a \hen a. Pakhat chu Revenue Expenditure a ni a, hei hi pawisa hmanna hlawm lian tak tak - sawrkar hnathawk hlawh te, sawrkar hnathawk pension senso te leh sawrkar Department inenkawlna te a ni a. Kumin budget-ah hian Revenue Expenditure hnuaiah hian cheng vbc. 8,403.52 dah a ni a. Hetah hian sawrkar hnathawk hlawh punna leh chumi ruala pension pung pawh khung tel vek a ni.

Chief Minister chuan Central Pay Commission rawtna anga sawrkar hnathawk hlawh leh pension tihpun a nih bakah hian Assembly leh Lok Sabha inthlanpui senso-in a khawih avang leh District thar 3 hawn a nih dawn avangin Revenue Expenditure hi a sang ta hle a ni, a ti.

Hetiang a nih avang hian ram hmasawnna hna thawhna tura sum ruahman, Capital Expenditure lam chu Budget-ah hian a tlem phah ta hle a, Capital Expenditure atana sum ruahman zat chu cheng vbc. 2,288.78 chauh a ni ta a. Nikum lama sum hman tur ruahmanna daihlohna phuhrukna atana sum dil belh (Revised estimate) cheng vbc. 2,926.55 ai pawhin a tlem zawk tihna a ni.