MJA Pension Facility dilna ngaihtuah mek a ni * Advertisement Rate MJA nen sawiho tum a ni

Information & Public Relations Minister, Lalruatkima chuan Mizoram Journalists’ Association (MJA) in Pension Facility dilna an thlen chu ngaihtuah mek a nih thu a sawi.

Nimin a Mizoram Legislative Assembly Budget Session zawhna leh chhanna hunah VL. Zaithanzama, Vanlalhlana leh Lalrinsanga Ralte te zawhna in\awm, MJA Member ten eng ang ham\hatna nge sawrkar a\anga an dawn tih leh Pension Facility pek ve tumna a awm leh awmloh a channa ah he thu hi sawiin I&PR Minister chuan Pension Facility pek ve chu sawrkar-a dilna thlen mek a nih thu leh ngaihtuah mek a nih thu a sawi a. Hemi chungchang MJA ten Chief Minister hnena lehkha an thehluh sawrkar in tih hlawhtlin a tum leh tumloh chungchanga zawhna pawh ngaihtuah mek a nih thu a sawi a. Hmalak zel tum dana ruahmanna zawhna chu ngaihtuah mek a nih thu in a chhang bawk.

MJA Member ten sawrkar a\anga ham\hatna an dawn zawhna chhangin I&PR Minister, Lalruatkima chuan Accredited Journalist Member te an thih in Ex-Gratia Rs. 1,50,000/- pek \hin a nih thu leh Journalist Member pangngai an thih in Ex-Gratia Rs. 1,00,000/- pek \hin an nih thu a sawi a, Journalists Welfare Fund a\angin Journalists damlo leh an chhungte, Family Declaration-a an dah ten Medical Assistance an bill theih thu a sawi a. Journalists te State dang te-ah emaw an zinin an zin chhan a zirin sawrkar in a \ul a tih angin buaipui an ngaihna ah a buaipui \hin tih a sawi bawk.

Zawhna neitu VL. Zaithanzama chuan sawrkar in Accredited Journalists te Card a pek vek thu sawiin, hei hi hman \angkai a ni tawklo tih a sawi a. Hei hi sawifiahin I&PR Minister chuan sawrkar Programme \henkhat ah a hmunhma ten a zawh \hin loh avangin harsatna an tak zeuh zeuh tih sawiin, I&PR in ruahmanna an siam \hin chang te a awm thu a sawi a. A hmunhma in a zir te a nih chuan harsatna awmlo turah an ngaih thu a sawi a. Advertisement Rate tihpun chungchanga zawh belhna pawh chhangin Lalruatkima chuan MJA khawmpui lian pawhin hemi chungchang hi a rel thu leh sawrkar pawhin a thuphung chuan a hriat tawh thu sawiin, hei hi hun remchang hmasa berah MJA hruaitute nen sawiho turin ngaihtuahna an hman thu a sawi a. MJA Member, Mizoram pawna zin ten Mizoram House-ah harsatna an tawk zeuh zeuh \hin nia sawi chu, “Sawrkar thar kan neih a\ang hi chuan harsatna an neih awm kan la hre lo,” tiin amaherawh chu Mizoram pawn-a an zin chuan I&PR lam a\angin lehkha te siamin a hma lama Mizoram House te pawh hrilh dan lo dap sak turin ngaihtuahna an hman thu leh harsatna an tawh \hin te chu sutkian sak an tum thu a sawi bawk.