MHIP hruaitute chawlh tir

By -
Mizoram Hmeichhe Insuihkhawm Pawl (MHIP) chungchanga thubuai kal zelah Senior Civil Judge-III chuan MHIP Gen. Hqrs. a hnathawk te chu inthlanna a awm leh hma chuan chawl turin a hriattir.
MHIP Gen. Hqrs. inthlanna a buaina leh inbeihna kal chho zel chungchang Court a thu thehluh anih angin Senior Civil Judges-III, R. Malsawmdawngzuala chuan thutlukna siamin MHIP Gen. Hqrs. leh Office Bearers te chu inthlanna a awm leh hma chuan an hna chawlhsan turin a hriattir a. Thutlukna ah chuan MHIP Gen. Hqrs. chuan NGO \henkhat hnenah tangka an pe ngei nia thu an dawn thu tarlangin, tuna MHIP Gen. Hqrs. OB te hun chu kumin April thla a tawp tawh tho anih avangin MHIP Gen. Hqrs. chu inthlanna dang neih anih hma leh OB tur ruat fel anih hma chuan suspend mai \ha a tih thu tarlangin, MHIP Gen. Hqrs. OB zawng zawng te chu MHIP hminga hma la tawh lo turin a ti a, MHIP Official Seal chu Court a theh lut nghal turin a hriattir bawk a ni.

Comments

Post a Comment

Popular posts from this blog

Tualthattu nia rinhlelh man

By -
Image
Nimin zinga Serchhip Bukpui leh Chhiahtlang Chhim Veng inkara Lalsangzuala (31), Mission Vengthlang thihna kaihhnawih a mawhphurtu nia rinhlelh Laldinthara (42), Khawruhlian nia inchhal chu Vawiin khan Police ten Aizawl-ah an man a. Thudawn danin Laldinthara hian nimin zing khan Aizawl pan tur Maxi Cab chu Chhiahtlang leh Lamchhip inkar ramhnuai ah lo pharin Aizawl a pan a, a khawsak zia ah rinhlelh a nih avangin Serchhip Police Special Investigation Team te chuan Serchhip Police Station OC Inspr. VL. Ramhluna hovin man tumin Vawiin khan Aizawl an pan ve nghal a, Aizawl Police te nen tangtlangin an man ta nia thudawn a ni a, Police te hmaah a inpuang tawh nia thudawn a ni bawk. Amah hi tunhnaiah pawh Serchhip-ah thubuai tenau a man nia thudawn niin amaherawh chu thubuai siam zui lovin chhuah leh a ni nia thudawn a ni bawk.
Kimchang zawkin »