Vawiin ah Assembly Budget Session nei \an dawn

Mizoram Legislative Assembly Speaker, Lalrinliana Sailo chuan Vawiin a\anga Assembly Budget Session neih tur chu Full Budget Session a neih tum anih thu a sawi.
Thuthar lakhawmtute zawhna chhangin Assembly Speaker, Lalrinliana Sailo chuan, Mizoram-ah hian Budget Session chu June thla ah la tih ngailoh nia an hriat thu leh tuna an tihna chhan nia lang ah chuan Minister ten an Department chan a\anga sum ruahman ang angte hmang thuai thuai se anih na tur angin mipui hnenah thleng thuai thuai se tih chu Chief Minister te nen an sawiduna a\anga \ha an tih vang anih thu sawiin, nakum February thla-ah Budget Session hi neih pui leh tum anih thu a sawi a, kum-danga sum leh pai Financial Year tawp dawn a inchuh rum rum te, hmanna tur duh thala remkhawm leh leh enzui hmasakna awm mangloa rem leh remlo ang chi kha a bo anga, curruption venna pawh a ni thei dawn nia an hriat thu a sawi a ni.
Vawiin a\anga Mizoram Legislative Assembly Budget Session neih turah hian tun din-hmun ah zawhna leh chhanna huna zawhna chhan tur zawhna 392 a lut tawh a, Private Member Resolution 32 lut awm tawh bawkin Paper pharh tur 11 leh Bill pakhat a lut tawh a, zawhna chhan huna chhan ngai lemlo ziaka chhan tur chi zawhna 93 lut a awm tawh bawk a ni.
Mizoram Legislative Assembly 8-na \hut-khawm \um 3-na Vawiin a\anga neih tur hian ni 16 chhung a awh dawn a, Session \an Ni hian Session hnuhnung ber leh tun \um Session inkara sawrkar mi pawimawh boral, Assembly Speaker lo ni tawh R. Lalawia leh Goa Chief Minister, naktuk-ah Finance changtu Chief Minister, Zoram-thanga’n kum khat chhunga sawrkar sum hman tura ruahman, Budget a pharh ang a; June 14-ah Private Member Resolution sawihoin June 17 a\angin Budget sawihona neih a ni ang.

Comments

Popular posts from this blog

PAN CARD an tih teh fo hi - Laldinpuia