Mizoram-ah cheng vbc. 500 senna tur Speciality Hospital din turin hmalak mek a ni

Health Minister Dr. R. Lalthangliana chuan Zemabawk-ah Speciality Hospital changtlung tak cheng Vbc. 500 senna tur chu Japan International Corporation Agency (JICA) nen \angho a din tum a nih thu House hrilh in, an ruahmanna te a hlawhtlin theih chuan India hmarchhak huap pawh a zahpuiawm loh a nih tur thu a sawi.

Nimin-a Mizoram State Legislative Assembly Budget Session zawhna leh chhanna hun a member te zawhbelhna te chhanga he thu hi sawiin Health Minister, Dr. R. Lalthangliana chuan, JICA nen \angkawpin Zemabawk-ah khum 100 awm theihna tur Speciality Hospital changtlung tak din turin ruahmanna a kal mek thu a sawi a, hemi atan hian cheng Vbc. 500 senna tur project siam a nih thu a sawi a. He ruahmanna hi a puitlin theih chuan India hmarchhak huap pawha zahpuiawm loh tur a nih a rin thu te, State dang a\anga pawh a in enkawl tur a rawn pan tlak a nih a rin thu te a sawi a. Ruahmanna siam a nih danin JICA a\angin Speciality Hospital dina turin Mizoram sawrkar chuan kum 30 chhung vel a rulh turin loan ala anga, Hospital dinna tura ruahman cheng vbc. 500 a\anga zaa 20 chu JICA in a tum anga, a bak zaa 80 chu Mizoram sawrkarin loan a a puk tur a nih thu Health Minister chuan a sawi bawk.
Zawhna neitu C. Lalsawivunga zawhna chhangin Health Minister, Dr. R. Lalthangliana chuan, Mizoram State Cancer Institute, Zemabawk chu tunah hian a sak hna \an mek a nih thu sawiin, khawl lian Linear Accelerator (LINAC) Machine bunna tur sak hmasak a nih thu a sawi a, Radiation Company - Linear Accelerator (LINAAC), Model Varian True Beam leina turin Purchase Order 16.8.2016 ah pek a nih thu leh a man cheng vbc. 14.52 a nih thu sawiin, transportation ah pawisa sen a awm loh thu a sawi bawk.
Cancer Hospital a thawktu Nurse, IV Grade leh Security te indaihlohna chu sawrkarin a hriat thu sawi bawkin, Security rawih rawtna leh Nurse leh IV Grade post ruak fill up chungchang pawh ngaihtuah mek a nih thu Health Minister chuan a sawi bawk.
Zawhna neitu C. Lalsawivunga chuan Cancer Hospital a khawl lo thleng chu a dahna tur hmun hma a awm loh vangin rangva a sak hnan tawp a nih thu a sawi a, hei hi sawibelh in Health Minister chuan khawl dahna tur ruahmanna \ha a awm \hin lo tih sawiin, Zoram Medical College (ZMC) ah pawh hetiang ang hi a awm thu leh silpauline a khuah a awm tih a sawi. Cancer Hospital sak hnathawktu tur conctractor felfai taka rua-hmanna a awm laiin, a sakna tur sum 2nd Installment hmuh loha a awm rei vangin a sak engemaw chen a muan phah tih a sawi a, tunah hian 2nd Installment hmuh thuai an inbeisei mek tih Health Minsiter chuan a sawi bawk.

Comments

Chhiar Hlawhte

Youth Icon Top-50 thlang

PAN CARD an tih teh fo hi - Laldinpuia