P&E Minister in Serlui tlawh

Power & Electricity Department Minister, R. Lalzirliana chuan nimin khan Serlui ‘B’ Small Hydel Project a khawl siam\hat mek leh thawm-\hat hmabak la awm te a hmunah a endik.

He hunah hian P&E Minister, R. Lalzirliana chuan Serlui ‘B’ SHP tih puitlin anih theih nana hmalakna hrang hrang kalpui alo nih \hin dan te tarlangin, Serlui ‘B’ SHP chu Hydel Project MegaWatt 12 lai pechhuak thei a ni a, kawlphetha kan mamawhna tam tak phuhruk nana hmanraw \angkai, ram tan a rohlu tling a ni, a ti a. He Project-a Unit pathum awm zinga Unit-2 chu thaw\hat mek anih thu leh reilote chhunga hman chhunzawm leh tura ruahman mek anih thu sawiin, “MegaWatt 12 pechhuak thei tur hian a \ul anga siam \hat ngai te siam \ha turin Sawrkar in theihtawp a chhuah a ni,” a ti bawk.

He hunah hian bialtu MLA, Lalrinsanga Ralte chuan Serlui ‘B’ SHP chu khaw engemaw zat tana Eng chhit tirtu anih mai piah lamah Mega Watt 12 a tharchhuah avanga kawphetha chawk-luh nana sum tam tak senral ngai tur lo vengtu hmanraw pawimawh tak a nih thu a sawi bawk.

He hunah hian he Project viltu EE, HS. Vanlalchaka chuan Technical report te pein, Unit Overhaul a pawimawh a sawifiah a, Serlui tuikhuah a zin mite hip thei tura buatsaih mek thliarkar a hmalakna kal mek te a hmunah a fan pui bawk a ni.

Serlui ‘B’ Small Hydel Project a khawl te hi kum nga danah Overhaul theih a ni a, kum 2010 a hman \an niin Unit-2 hi overhaul mek a ni a. Overhaul hian thla 8 thleng te awh thei in cheng nuai 72 vel sen a ngai \hin a ni. Khawl pakhat hian thla khatah cheng nuai 115 man hu vel kawl-phetha siamchhuak thei a chhut a ni a, khawl pathum hi thawm \hat a hman \angkai vek a nih chuan cheng nuai 345 man hu kawlphetha pe-chhuak thei tur a ngaih a ni.