Latest News

Bairabi-ah Cold Storage Facility thar hawng

Mizoram Agriculture Marketing Solution (MAMSol) in Bairabi Mini Trade Centre-a cheng nuai 150 senga Cold Storage Facility a sak chu nimin khan Agriculture Minister, C. Lalrinsanga chuan a hawng.
Cold Storage Facility hawnna hunah hian Agriculture Minister, C. Lalrinsanga chuan MAMSol hmalakna hnuaia thlai leh thei vawn\hatna peihfel a ni chu kut hnathawkte tan Malsawmna anih ngei a beisei thu sawiin, chutih rualin a vawn\hatna awm si in thlai leh thei dah tur kan tharchhuak tam tawklo ang tih a hlauhawm tih a sawi a. He Cold Storage Facility hi kuthnathawkte tan taima le zuala thawk tura chona petu nise a duh thu a sawi bawk. Agriculture Minister chuan Ram leh Hnam intodelh nih a hun tawh tih sawiin, State pawn a\anga lalut leh leitu ah ringawt \ang lovin a thawn-chhuaktu a \an te pawh a hun tawh tih sawiin, Cold Storage Facility-ah pawh hian Ramchhunga tharchhuah ngei te chuan hmun luah tam ber se a duh thu a sawi a, dahkhat reng turin \an lak a ngai a, tharchhuahna kawngah hma kan sawn a hun a ni, a ti bawk.
MAMSol Cold Storage Facility hi Mizoram Sawrkar-a Commerce & Industries Department in Market Yard Development Scheme hnuaia a sak niin, a dung hi feet 69, a vang feet 32 leh a san zawng hi feet 12 a ni a, pindan panga (5), thlai metric Ton 20 zel dah theih a ni a, pindan zawng zawnga thlai dah\hat theih zat hi Metric Ton 100 niin, a sak hna hi M/S Jaiwal Engineering Works Pvt.Ltd Noida ten an thawk a, November 2017-a sak \an niin March 2019 ah sak zawh a ni.
Cold Storage hi pindan lian tak, boruak vawt siam chawp a hnawn dan leh boruak rualkhai taka siam a ni a, thei leh thlai, sa leh a dang te chu dahin hun rei tak a vawn\hat theih a ni. Pindan tih vawh nan hian FREON Gas hman niin hei hi sik sa tana pawilo (eco friendly) a ni a, Power Supply hi phase thum (3) pek niin 3.5 degree Celcius thlenga vawt tura duan a ni. Pindan vawt panga (5) sak nan hian cheng nuai 140 sen a ni a, Civil Works, Utilities leh Power Connection a tan cheng nuai 10 sen a ni bawk.
MAMSol hi Mizoram loneitute thlai thar man man zawka hralh a nih theihna tura September 2016-a din niin Mizoram thei leh thlai te market-a hralhchhuah chu a thil tum te zinga langsar ber a ni a, heng thei leh thlai tharchhuah te hi uluk taka enkawl an ngai a, an chhe awlsam em em a, an nunna te pawtsei a hun engemaw chen vawng\ha turin Cold Storage Facility hi duan a ni. Tuna an hmalak mekna ah Mizoram loneitute Sawthing thar hmun hrang hrang a\anga lei khawlin Mizoram pawnah an hralh mek a, an hmalakna avang hian Sawhthing man pawhin san lam a pan chho zel tih sawrkar thuchhuah chuan a tarlang bawk. 

Comments

Popular News (Last 30 Days)