Football Tournament khel zo dawn ta

/
Serchhip District Football Association (SDFA) buatsaih Season Ending Tournament chu Vawiin hian Final khela zawhfel a ni dawn ta a, naktuk-ah 1st Division Play-Off khelh a ni ang.

1st Division ala chiang lo :
SDFA buatsaih Season Ending Tournament, Serchhip Sports Complex-a khelh hi Screening Tournament ni nghalin 1st Division-a tel Team 8 te an inlan kim thei a, 1st Division Team te hi intum kual \heuhin Vawiin ah match hnih chauh khelh tur awm tawh mah se champion tur leh 2nd Division-a tla tur ala hriat loh Tunah hian khelh 6 a\angin FC Serchhip Kawnpui in point 15 hmuin hma an hruai mek a, Vawiin ah khelh 6 a\anga point 13 hmua an hnuai chiaha awm Hmar Veng FC an hmachhawn leh dawn a, a chak zawk tan champion theihna hun \ha a awm dawn a ni.
Hemi hmalam hian point 13 hmu mektu New Serchhip FC chuan Table mawnga awm mek, New Serchhip North FC chu an hmachhawn dawn bawk a, midang inkhel result a zirin New Serchhip FC pawh hi champion thei zingah an la tel bawk a ni. He inkhel ah hian New Serchhip North FC hi an chaklo a nih chuan Season thar ah 2nd Division ah an tla nghal dawn bawk a, P&E FC in Play-off an khel bawk ang.
2nd Division-ah Final tur chiang :
SDFA hnuaia 2nd Division te inelna ah hian nimin khan Semi Final khelh zawh niin Group A-a point hmu sang ber AWC FC chuan Group B-a sang ber Dress-Up FC chu 5-1 a hnehin Final an lut a, AWC FC tan hian Lalsawmzela chuan goal thum khungin Jerry Zonunsanga Fanai leh Lalrinawma te chuan goal khat ve ve an khung bawk. Semi Final lehlamah Group C-a hmahruaitu Bungpui FC, Hriangtlang chuan Group D-a hmahruaitu Chhim Veng FC chu 5-1 bawkin an hneh a, Bungpui FC tan hian Lalromawia chuan goal thum khungin Huntharnghaka chuan goal khat a khung a, Chhim Veng FC tan G. Tlang-hmingthanga chuan goal khat a khung ve bawk.
Heti hian Vawiin chawhnu dar 1:40 hian AWC FC leh Bungpui FC, Hriangtlang te hian 2nd Division Final an khel dawn a, a chak zawk zawk te Season thar-ah 1st Division-ah an kai anga, a chaklo zawk ten 1st Division-a point hmu tlem ber dawttu nen play-off an khel bawk ang.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »