Bamboo Plantation Society System a kalpui kan tum - CM

Chief Minister, Zoramthanga chuan kal-phung thara Mizoram-a Bamboo Plantation kalpui tur chu Society System in a khua a mite pe a kalpui an tum thu a sawi.
Nimin a Assembly Budget Session zawhna leh chhanna hun-ah Ser-chhip bialtu MLA, Lalduhoma zawh belhna leh \hahnemngaihna a sawi te chhangin Chief Minister Zoramthanga chuan, Bamboo (Mau) chu a hma in Forest Department kuta awm a nih thu sawiin, tunah chuan Central sawrkarin Bamboo chu 'Tree' a nilo a, 'Grass' a ni e, a tih vangin Horticulture in la rawh se a ti a, chumi ang chuan Mizoram-ah pawh kalpui tum a nih thu sawi.
Chief Minister chuan Mau chin dawnin, a chi \ha a pawimawh ber tih sawiin, a chi \ha chinloh laklawh chuan Gelatin leh JCB te a nawr ngai khawpin buaipui a ngai \hin tih a sawi a. Mizoram sawrkarin Bamboo Plantation a kalpui turah a Chi Supply tur atana thlan ten thla khat-a nuai 1 rawn thawn an tum tih sawi bawkin, “Keini chuan maktaduai a rawn thawn turin kan ti,” a ti a, a Chi an rawn thawn tur chu Identify fel vek tawh an nih thu leh a ram phunna tur uluk taka ngaihtuah a nih tur thu a sawi a. Bamboo Plantation siam turin Link Road kalpui siam a nih tur thu te, Plantation chu Society anga kalpui a nih tur thu te a sawi a. “In 900 velin raw lian pum nuai 3 aia tlemlo an thar thei a, chu chuan Employment a siam dawn,” tiin, a Chi pakhat chu cheng 30-40 inkar man vel a nih tur thu a sawi bawk. Mau chi lak tur chu a kung puitling tawh Department ten a hmunah an en tawh thu leh a karlak ah thil an lo tisual palh a nih loh chuan \ha tura an ngaih thu a sawi.
Zawhna neitu Lalduhoma zawhna chhangin Forest Minister, TJ. Lalnuntluanga chuan, Mizo-ram-ah sawrkar enkawl Bamboo Plantatioin hectare 38,601 a awm mek thu leh, Sakawrhmui-tuai Bamboo Plantation a\anga Mau pum 800 hralhna Rs 24,000 chu Bamboo Plantation a\anga hmuh awmchhun ala nih thu a sawi bawk.

Comments

Chhiar Hlawhte