Home Minister in ramri hrula Police te a tlawh

Home Minister, Lalchamliana chuan nimin khan Kolasib District huamchhung Mizoram ramri hrula Police Duty post te chu a hmunah kalin a enfiah.

Home Minister, Lalchamliana hian Saiphai khua a Police Out-post leh a bula IR Camp te tlawhin he hmuna Police duty te chuan kawng hrang hranga thawm\hat leh hmasawn an ngaihna te an lo thlen a, Building thawm\hat ngai, tui dahkhawlna zem siam\hat ngai leh choka siam\hat ngai te a enfiah a, hmalak dan tursawiho a ni a, duty tur indaihloh chungchangah pawh indah belh turin hmalak chhoh a nih tur thu Home Minister hian a sawi bawk.

Hemi hnu hian Home Minister hian Vairengte-a ILP endikna Counter leh Vairengte Police Check-Gate tlawh bawkin helaia hnathawh kalphung a harsatna awm leh awmloh te zirchiangin ramri hrula awm, Ram leh Hnam venhimna kawnga hnathawk te chu inpe zo tak leh rinawm taka thawk chhunzawm zel turin a chah bawk.