NGO hruaitute kawm

Zonuna Kawlni /
Serchhip-a tlawmngai pawl hrang hrang, NGO Coordination Committee te chu Inrinni chawhma khan Adviser to Chief Minister, C. Lalramzauva chuan kawmin khawtlang tana an ngaih pawimawh hrang hrang an sawiho.
Adviser to Chief Minister, C. Lalramzauva’n Ser-chhip Bazar an chenna In-a NGO Coordination Committee te a kawmna hunah hian NGO Coordination Committee te hi an Chairman, R. Sanghmingthanga chuan hovin an thu thlen zingah hian Serchhip District Hospital sak \an thuai an duh thu leh Nursing School sak zawh tawh chu hawn thuai an duh thu te an sawi a. Hei bakah hian YMA in Employment Exchange hawn an duh thu leh Sports Office leh Art & Culture Department Office te pawh hawn thuai ni thei se an duh thu an sawi bawk.
He hunah hian MZP Hqrs. Serchhip hruaitute chuan Serchhip-a Higher Secondary School, Brilliant HSS tih tak a zirtirtu zingah hlawh \ha zawk duha chhuah tum an awm nia an hriat thu pawh sawiin, hei vang hian he School hi dinhmun sang zawkah dah ni thei se an duh thu an sawi a. MUP Sub-Hqrs. Serchhip hruaitute pawhin Serchhip khawpui chhung inkalpawhna kawngpui \ha zawka siam an duh thu Step leh tuihawk luankawr te pawh tam zawk leh \ha zawka siam an duh thu an sawi a. Heng NGO te thu thlen hi Adviser to Chief Minister hian lo ngaihthlak sakin a theih anga bawhzui a nih dawn thu a sawi bawk.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »