Adviser to Chief Minister, C. Lalramzauva chuan Inrinni zing khan Serchhip Darnam tlang-a Youth Centre sakna tura ruahman chu a tlawh a, Serchhip-a Youth Centre sakna tur hian sum pawh ruahman ni tawhin a Drawing buaipui mek a ni a. Hei bakah hian Darnam Tlang-a MST Bus Terminal sakna tura ruahman pawh tlawhin helai hmuna MST Bus Terminal sakna tur hian DPR buaipui mek a ni bawk.
Hemi hnu hian C. Lalramzauva hian Ser-chhip Chanmari Veng, Lawibual ram-a District Hospital sakna tura ram lo ruahman tawh leh Nursing School sak te chu tlawhin helai hmuna sawrkar hmalakna te bakah a kawng dinhmun te a en bawk a, Serchhip Bazar building Vertical Extension pawh tlawhin sumdawngte nen inkawmna an nei bawk. Helai hmun a tlawh hnu hian District Fisheries Development Officer (DFDO) Office pawh tlawhin a panna kawng chungchanga harsatna an neih te a enpui bawk.
Comments
Post a Comment